ಕುಡ್ಲ ಪೇಂಟೆ ಪ್ರಸ್ತುತ ಭಾರಿ ಬೇಗೊಡು ಬುಲೆವೊಂದುಂಡು. ಜನಸಂಖ್ಯೆಲ ಜಾಸ್ತಿ ಆದ್ ಗಾಡಿಲು ಜಾಸ್ತಿ ಆವೊಂದು ಉಂಡು. ಇಂಚಿನ ಸಂದರ್ಭಡ್ ಪೇಂಟೆದ ದುಂಬುದ ಭವಿಷ್ಯಗಾದ್ ಇತ್ತೆರ್ದೆ ಕೆಲವು ಮಾರ್ಪಾಡ್ ಮಲ್ತ್ ದ್ ದುಂಬು ಪೋಪಿನ ಅನಿವಾರ್ಯ ಪಂದ್ ಶಾಸಕೆರ್ ವೇದವ್ಯಾಸ್ ಕಾಮತ್ ಸ್ಥಳೀಯೆರ್ಡ ಬಿನ್ನಾಪು ಮಲ್ತೆರ್.
ಕುಡ್ಲ ಮಹಾನಗರ ಪಾಲಿಕೆ ವ್ಯಾಪ್ತಿದ ಉರ್ವಸ್ಟೋರ್ ಜಂಕ್ಷನ್ ರ್ದ್ ಅಶೋಕನಗರದ ಹಾಸಟ್ಟಿ ಸರ್ಕಲ್ ಮುಟ್ಟ ರೋಡ್ ಅಗೆಲದ ವಿಷಯಡ್ ಆಯಿನ ಗೊಂದಲಗ್ ಸ್ವತಃ ಶಾಸಕರೇ ಖುದ್ದಾದ್ ಸ್ಥಳೀಯೆರೆನ್ ಭೇಟಿ ಮಲ್ತ್ ಮಾತುಕತೆ ಮಲ್ತೆರ್.
ಮೂಲು ಇತ್ತೆನೆ ಕೆಲವು ಭಾಗಡ್ ರೋಡ್ ಅಗೆಲ ಆವೊಂದುಂಡು. ಮಸ್ತ್ ಜನ ತನ್ನ ಜಾಗೆನ್ ಬುಡ್ದು ಕೊರಿಯೆರೆ ಒಪ್ಪಂದಿನ ಸಮಸ್ಯೆ ಆತ್ಂಡ್. ಈ ಬಗೆಟ್ಟ್ ಮಾತ ಸಮಸ್ಯೆನ್ ಪರಿಹರಿಸಾವುನ ನಿಟ್ಟ್ ಡ್ ಸ್ಥಳೀಯೆರ್ನ ಒಟ್ಟಿಗೆ ಶಾಸಕೆರ್ ಚರ್ಚೆ ಮಲ್ತ್ ದ್ ಜಾಗೆ ಬುಡ್ದು ಕೊರ್ಪುಲೆಕ ಮನವೊಲಿಸಾವುನ ಪ್ರಯತ್ನ ಮಲ್ತೆರ್.
ನಮ್ಮ ದುಂಬುದ ಪೀಳ್ಯೊದ ಭವಿಷ್ಯಗಾದ್ ಮೂಲಭೂತ ಸೌಕರ್ಯ ಅಭಿವೃದ್ಧಿ ಆವೊಡು. ಅವೆಟ್ ರೋಡ್ ಅಗೆಲಲ ಒಂಜಿ. ಒರಿ ಜವಾಬ್ದಾರಿದ ಶಾಸಕೆಯಾದ್ ಮಾತೆರೆನ ವಿಶ್ವಾಸನ್ ದೆತೊಂದು ದುಂಬುದ ಯೋಜನೆ ರೆಡಿ ಮಲ್ಪುವ ಪಂದ್ ಪಂಡೆರ್.
ಈ ಪೊರ್ತುಡು ಕಾರ್ಪೊರೇಟರ್ ಜಯಲಕ್ಷ್ಮಿ ಶೆಟ್ಟಿ, ಗಣೇಶ್ ಕುಲಾಲ್, ಅಂಚೆನೆ ಮುಖಂಡೆರ್, ಅಧಿಕಾರಿಲು ಇತ್ತೆರ್.
Editorial