ಅ.15-23: ಕರಾಯ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್‌ ನವರಾತ್ರಿ ಉಚ್ಚಯ

ಕರಾಯ: ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನಡ್‌ ನವರಾತ್ರಿ ಉಚ್ಚಯ, ಸಾರ್ವಜನಿಕ ಚಂಡಿಕಾ ಹೋಮ ಬೊಕ್ಕ ಶ್ರೀ ಮಹಾಲಿಂಗೇಶ್ವರ ಭೊಜನ ಶಾಲೆ, ಅರ್ಚಕರ ವಸತಿಗೃಹದ ಒಕ್ಕೆಲ್ ಅ.15 ರ್ದ್‌ 23 ಮುಟ್ಟ ನಡಪೆರೆ ಉಂಡು.
ಶ್ರೀ ಕರಾಯ ಮಹಾಲಿಂಗೇಶ್ವರ ದೇವಸ್ಥಾನದ ಶ್ರೀ ದುರ್ಗಾದೇವಿನ ಸನ್ನಿದಿಡ್‌ ಅ.15 ರ್ದ್‌ 23 ಮುಟ್ಟ ನವರಾತ್ರಿ ಪೂಜೆ, ಅ.19 ದಾನಿ ರಾತ್ರೆ ನಾಗೇಶ್‌ ತಂತ್ರಿಲೆನ ನೇತೃತ್ವಡ್‌ ವಾಸ್ತು ಪೂಜೆ, ರಕ್ಷೋಘ್ನ ಹೋಮ, ಅ.20 ದಾನಿ ಶುಕ್ರವಾರ ಬೊಲ್ಪುಗು ಗಣಹೋಮ, ಸಾರ್ವಜನಿಕ ಚಂಡಿಕಾ ಹೋಮ ಬೊಕ್ಕ ಅನ್ನಸಂತರ್ಪಣೆ ನಡಪೆರೆ ಉಂಡು. ಅಂಚನೆ ಶ್ರೀ ಮಹಾಲಿಂಗೇಶ್ವರ ಭೋಜನ ಶಾಲೆ, ಬೊಕ್ಕ ಅರ್ಚಕೆರ್ನ ವಸತಿಗೃಹದ ಪ್ರವೇಶೋತ್ವವ ಕಾಂಡೆ 10 ಗಂಟೆಗ್‌ ನಡಪೆರೆ ಉಂಡು. ಈ ಪೊರ್ತುಡು ಮಹಾಲಿಂಗೇಶ್ವರ ದೇವಸ್ಥಾನದ ಉಪಾಧ್ಯಕ್ಷೆರ್‌ ಕೆ.ಎನ್.‌ ಅಜಿತ್‌ ಕುಮಾರ್‌ ಹಲೇಜಿ ಲೇಸ್‌ದ ಉದಿಪನ ಮಲ್ಪೆರೆ ಉಲ್ಲೆರ್.‌ ಮಾತೆರ್ಲ ಈ ಮಾತ ಕಾರ್ಯಕ್ರಮಡ್‌ ಪಾಲ್‌ ಪಡೆದ್‌ ಶ್ರೀ ದೇವೆರ್ನ ಬೊಕ್ಕ ದೇವಿನ ದರ್ಶನ ಮಲ್ತ್‌ದ್‌, ಪ್ರಸಾದ ಸ್ವೀಕಾರ ಮಲ್ಪೊಡು ಪಂದ್‌ ಲೆಪ್ಪೋಲೆಡ್‌ ತೆರಿಪಾದೆರ್.