ಒಡಿಪು: ಅಜೆ ತತ್ತ್ ದ್ ಗುವೆಲ್‌ಗ್‌ ಬೂರ್ನ ಪೊಂಜೊವ್…!‌

ಒಡಿಪು: 50 ಅಡಿ ಗುಂಡಿದ ಗುವೆಲ್‌ಗ್‌ ಪೊಂಜೊವ್‌ ಒರ್ತಿ ಅಜೆ ತತ್ತ್ ದ್ ಆದ್‌ ಬೂರ್ನ ಘಟನೆ ಕೊಳಂಬೆ ಬೈಲೂರುದಲ್ಪ ನಡತ್‌ಂಡ್. ಸ್ಥಳೀಯ ನಿವಾಸಿ ಸವಿತಾ ಕಾಮತ್ ಸೋಮವಾರ ರಾತ್ರಿ ಸುಮಾರ್ 50 ಅಡಿ ಗುಂಡಿದ ಗುವೆಲ್‌ಗ್ ಅಕಸ್ಮಾತ್‌ ಆದ್‌ ಬೂರ್ದೆರ್.
ಈ ಪೊರ್ತುಗು ಗುವೆಲ್‌ದ ಉಲಾಯಿ ಇಪ್ಪುನ ಪಂಪ್ ಸೆಟ್ ದ ಫುಟ್ಬಾಲ್ ಪಾಡ್ದಿನ ಬಲ್ಲ್‌ನ್‌ ಪತೊಂದು ಅಪಾಯರ್ದ್‌ ಪಾರಾತೆರ್. ಇಲ್ಲದಕುಲು ಕೂಡ್ಲೆ ಒಡಿಪು ಅಗ್ನಿಶಾಮಕ ಠಾಣೆಗ್‌ ಕಾಲ್‌ ಮಲ್ತ್ ಮಾಹಿತಿ ಕೊರ್ತೆರ್. ಅಪಗನೆ ಬತ್ತಿನ ಅಗ್ನಿಶಾಮಕ ಠಾಣಾಧಿಕಾರಿ ಸತೀಶ್ ನೇತೃತ್ವದಡ್ ಸಿಬ್ಬಂದಿ ವಿನಾಯಕ ಗುವೆಲ್‌ಗ್‌ ಬಲ್ಲ್‌ ಜಪುಡಾದ್ ಪೊಂಜೊವ್‌ನ್‌ ಬಲ್ಲ್‌ದ ಮುಖೇನ ರಕ್ಷಣೆ ಮಲ್ತ್‌ದೆರ್.