ಹೈದರಾಬಾದ್: ಶಿಕ್ಷಕೆರ್ ಒರಿ ತನ್ನ ಶಾಲೆದ ಯುಕೆಜಿ ಕಲ್ಪಾರ್ಥಿ ಹೋಮ್ ವರ್ಕ್ ಮಲ್ಪಂದೆ ಇತ್ತಿನೆಕ್ಕ್ ತರೆಕ್ಕ್ ಪೆಟ್ಟ್ ಹಾಕಿನ ಪರಿಣಾಮ ಕಲ್ಪಾರ್ಥಿ ತಿರ್ತ್ ಬೂರ್ದ್ ತೀರ್ ಪೋಯಿನ ಘಟನೆ ಹೈದರಾಬಾದ್‌ಡ್ ನಡತ್ಂಡ್.
ಹೇಮಂತ್(5) ತೀರ್ ಪೋಯಿನ ಕಲ್ಪಾರ್ಥಿ. ಅಪಗನೆ ಕಲ್ಪಾರ್ಥಿನ್ ಆಸ್ಪತ್ರೆಗ್ ಲೆತೊಂದು ಪೋದಿತ್ತೆರ್. ಆಂಡ ಚಿಕಿತ್ಸೆ ಫಲಕಾರಿ ಆವಂದೆ ಹೇಮಂತ್ ತೀರ್ ಪೋತೆರ್. ಶಿಕ್ಷಕೆರ್‍ನ ವಿರುದ್ಧ ಕ್ರಮಕ್ಕ್ ಆಗ್ರಹಿಸಾದ್ ಕಲ್ಪಾರ್ಥಿನ ಪೋಷಕೆರ್ ಬೊಕ್ಕ ಕುಟುಬ ಸದಸ್ಯೆರ್ ಶಾಲೆದ ಎದುರು ಬಾಲೆದ ಪುನನ್ ಪತೊಂದ್ ಸೂಕ್ತ ತನಿಖೆ ಆವೊಡು ಪಂದ್ ಪ್ರತಿಭಟನೆ ಮಲ್ತೊಂದುಲ್ಲೆರ್.
Editorial