ಸಿಕ್ಕಿಂಡ್ ಮೇಘಸ್ಫೋಟ: 23 ಜನ ಯೋಧೆರ್ ನಾಪತ್ತೆ

ಸಿಕ್ಕಿಂಡ್ ಮೇಘಸ್ಫೋಟ ಆದ್ ಬತ್ತಿನ ಬಿರ್ಸ್ ದ ಬೊಲ್ಲರ್ದಾವರ 23 ಸೇನಾ ಸಿಬ್ಬಂದಿಲು ನಾಪತ್ತೆ ಆಯಿನ ಘಟನೆ ನಡತ್ಂಡ್.

ವರದಿದ ಪ್ರಕಾರ, ಉತ್ತರ ಸಿಕ್ಕಿಂದ ಲೊನಾಕ್ ಕಡಲ್‌ದ ಮಿತ್ತ್ ಮೇಘಸ್ಪೋಟ ಆದ್ ಲಾಚೆನ್ ಕಣಿವೆದ ತೀಸ್ತಾ ಸುದೆಟ್ಟ್ ಬೊಲ್ಲ ಬರಿಯರೆ ಕಾರಣ ಆಂಡ್. ಕಣಿವೆದ ಉದ್ದಗ್‌ಲ ಕೆಲ ಸೇನಾ ಟೆಂಟ್ ಲೆನ ಮಿತ್ತ್ ಪರಿಣಾಮ ಬೂರ್ದ್ಂಡ್. ಉಂದೆಟ್ಟ್ 23 ಸಿಬ್ಬಂದಿಲು ನಾಪತ್ತೆ ಆತೆರ್. ಕೆಲ ಗಾಡಿಲು ಕೆಸರ್‌ದ ಅಡಿಟ್ಟ್ ಮುರ್ಕ್‌ದ್ ಪೋತ್ಂಡ್.