ಸೂರಿಕುಮೇರ್ ಡ್ ಚರಂಡಿಗ್ ಬೂರಿನ ಪರ್ಂದ್ ದ ಗಾಡಿ

ವಿಟ್ಲ: ಬೆಂಗ್ಲೂರ್-ಕುಡ್ಲ ರಾಷ್ಟ್ರೀಯ ಹೈವೇದ ಮಾಣಿ ಕೈತಲ್‌ದ ಸೂರಿಕುಮೇರಿಡ್ ಪಿಕಪ್ ಗಾಡಿಯೊಂಜಿ ಪಲ್ಟಿ ಆದ್ ಮಾರ್ಗದ ಬರಿತ್ತ ಚರಂಡಿಗ್ ಬೂರ್ದಿನ ಘಟನೆ ಬುಧಾರ ಕಾಂಡೆ ನಡತ್ಂಡ್.

ಸೂರಿಕುಮೇರ್ ಬದ್ರಿಯಾ ಜುಮಾ ಮಸೀದಿದ ಎದುರುಡು ರಾಷ್ಟ್ರೀಯ ಹೈವೇದ ಪೊಸ ಮಾರ್ಗಡ್ ತಮಿಳ್‌ನಾಡ್ ನೋಂದಣಿದ ಪರ್ಂದ್ ಕೊನೊವೊಂದಿತ್ತಿನ ಪಿಕಪ್ ಗಾಡಿ ಪಲ್ಟಿ ಆದ್ ಮಾರ್ಗದ ಬರಿತ್ತ ಚರಂಡಿಗ್ ಬೂರ್ದ್ಂಡ್. ಡ್ರೈವರ್ ನಿದ್ರೆದ ಅಮಲ್‌ಡ್ ಇತ್ತಿನೆಡ್ದಾವರ ಈ ಘಟನೆ ನಡತ್ಂಡ್. ಎಲ್ಯ ಪೆಟ್ಟ್ ಆದ್ ಡ್ರೈವರ್ ಬಚಾವ್ ಆತೆರ್.