ಹಳೆಯಂಗಡಿ : ಮಹಾತ್ಮಾ ಗಾಂಧೀಜಿಯೆರ್ ಅಹಿಂಸಾ ತತ್ವದ ಮುಕೇನ ದೇಶಗ್ ಸ್ವಾತಂತ್ರ್ಯ ಕನತ್ ಕೊರಿಯೆರ್. ಮೆರ್ನ ಪೊರ್ಂಬಾಟ, ಸತ್ಯಾಗ್ರಹ, ನಮ್ಮ ಜೀವನಗ್ ಮಾದರಿ. ರಾಮ ರಾಜ್ಯದ ಕನನ್ ನನಸ್ ಮಲ್ಪರೆ ನಮ ಮಾತೆರ್ಲ ದುಂಬು ಬರೊಡು ಪಂದ್ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಗುರ್ಕಾರ್ಲು ಮೋಹನ್ ಕೋಟ್ಯಾನ್ ಪಂಡೆರ್.
ಮೇರ್ ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಮುತಾಲಿಕೆಡ್ ನಡತ್ತಿನ ಗಾಂಧಿ ಜಯಂತಿ ಕಾರ್ಯಕ್ರಮ ಬೊಕ್ಕ ಲಾಲ್ ಬಹದ್ದೂರ್ ಶಾಸ್ತ್ರಿ ನೆಂಪು ಕಾರ್ಯಕ್ರಮಡ್ ಪಾಲ್ ಪಡೆದ್ ಪಾತೆರಿಯೆರ್.
ಕೆಪಿಸಿಸಿ ಸದಸ್ಯೆರಾಯಿನ ವಸಂತ್ ಬರ್ನಾಡ್ ಪಾತೆರ್ದ್, ಗಾಂಧಿಯೆರ್ನ ಕನ ನನಸ್ ಆವೊಡಾಂಡ ಯುವ ನಾಯಕೆರ್ ರಾಹುಲ್ ಗಾಂಧಿ ದುಂಬುದ ದಿನ ದೇಶನ್ ಆಳುನಂಚ ಆವೊಡು. ಕಾಂಗ್ರೆಸ್ ಶಕ್ತಿಯೇ ನೆಕ್ಕ್ ಮಾತ ಮೂಲ ಪಂದ್ ಪಂಡೆರ್.
ಲೇಸ್ ಡ್ ಮಹಿಳಾ ಕಾಂಗ್ರೆಸ್ ದ ಗುರ್ಕಾರ್ದಿ ಪದ್ಮಾವತಿ ಶೆಟ್ಟಿ, ಯುವ ಕಾಂಗ್ರೆಸ್ ಗುರ್ಕಾರೆ ಅಶೋಕ್ ಪೂಜಾರ್, ಉದ್ಯಮಿ ಶಶೀಂದ್ರ ಸಾಲಿಯಾನ್, ನಾಯಕೆರಾಯಿನ ಮಂಜುನಾಥ ಕಂಬಾರ, ಉತ್ತಮ ಕುಮಾರ್, ಸತೀಶ್ ಕೋಟ್ಯಾನ್, ಅಬ್ದುಲ್ ಖಾದರ್, ಅಬ್ದುಲ್ ಅಜೀಜ್, ನೀತು ನಿರಂಜಲ, ಶಶಿಕಲಾ ಕರಿದೋಟ, ಕ್ಯಾರೋಲ್ ಕುಟಿನ್ಯೂ, ಬಶೀರ್ ಕುಳಾಯಿ, ಸುಬ್ಬು ಕೆ. ಎಸ್ ರಾವ್ ನಗರ ಈ ಪೊರ್ತುಡು ಇತ್ತೆರ್.
Editorial