ರಾಜಬೂಡುಡು ಶ್ರದ್ಧಾಭಕ್ತಿಡ್ ನಡತ್ಂಡ್ ಮಕರ ಶ್ರೀ ಭಜನಾ ಮಂಡಳಿದ ಸುರುತ ವರ್ಷದ ಭಜನೆ ಉಚ್ಚಯ

ಬೆಂಗಳೂರು: ಭಜನೆದ ಬಗೆಟ್ಟ್ ಎಚ್ಚ ಪೊಲಬು ಇಜ್ಜಂದಿನ ಮಾಯಾನಗರಿ ಬೆಂಗಳೂರುಡು ಊರುದ ಜವನೆರ್ ನ್ ಮಾತಾ ಜಾತಿ ಬೇಧ ಇಜ್ಜಂದೆ ಒಟ್ಟು ಸೇರಾದ್ ಊರುಡು ಆಪುನಂಚನೆ ಭಜನೆ ಮಲ್ಪೊಡು ಪನ್ಪಿನ ಕನ ಕಟ್ಟಿನಾರ್ ರಂಜು ತುಳುರಂಗ ಪ್ರೇಮಿ.ಈ ಕನತ ಪ್ರತಿರೂಪ ಆದ್ ಆದಿ ಚುಂಚನಗಿರಿ ಶ್ರೀ ಬಾಲಗಂಗಾಧರೇಶ್ವರ ದೇವಸ್ಥಾನದ ಸಾನ್ನಿಧ್ಯ ಡ್ ಪುಟ್ಟು ಪಡೆಯಿನ ಭಜನಾ ಮಂಡಳಿಯೇ ಮಕರಶ್ರೀ ಭಜನಾ ಮಂಡಳಿ. ಈ ಭಜನಾ ಮಂಡಳಿದ 1ನೇ ವರ್ಷದ ವಾರ್ಷಿಕೋತ್ಸವ ಉಂದುವೇ ಜುಲೈ, 15ನೇ ತಾರಿಕ್ ಶನಿವಾರದಾನಿ ಶ್ರೀ ಬಾಲ ಗಂಗಾಧರೇಶ್ವರ ದೇವಸ್ಥಾನ, ವಿಜಯನಗರ ಬೆಂಗಳೂರು ಡ್ ಆದಿಚುಂಚನಗಿರಿ ಮಠತ ಶ್ರೀ ಸೌಮ್ಯಾನಂದ ಸ್ವಾಮೀಜಿ ಮೆರೆನ ಉಪಸ್ಥಿತಿ ಟ್, ಮಕರಶ್ರೀ ಭಜನೆ ಮಂಡಳಿದ ಮಾತಾ ಸದಸ್ಯೆರ್ನ ಮುತಾಲಿಕೆಡ್ ಬಾರಿ ಪೊರ್ಲುಡೇ ಸಾಂಗವಾದ್ ನೆರವೇರ್oಡ್.ಈ ಸಂದರ್ಭೊಡ್ ರಾಜಬೂಡುದ ತುಳು ಸಂಘಟನೆದ ಮುಖ್ಯಸ್ಥೆರ್, ಸದಸ್ಯೆರ್, ಪಾಲುಪಡೆದಿತ್ತೆರ್.

ಪ್ರತಿ ಶನಿವಾರ ಮಕರ ಶ್ರೀ ಭಜನೆ ಮಂಡಳಿದ ಸದಸ್ಯರೆಡ್ದ್ ಶ್ರೀ ಬಾಲಗಂಗಾಧರೇಶ್ವರ ದೇವಸ್ಥಾನ, ವಿಜಯನಗರ ಬೆಂಗಳೂರುಡು ಆವೊಂದುಂಡು ಅಂಚೆನೇ ಭಜನೆ ಮಲ್ಪೊಡಯ ಪಂಡ್ದ್ ಉಮೇದ್ ಇತ್ತಿನಕುಲು ಸದಸ್ಯೆರಾವರೆ ಸಂಚಾಲಕರೆಯಿನ ಸುಕೇಶ್ ಕುಲಾಲ್ ಮೆರೆನ ಪೋನ್ ನಂಬರ್ ಗ್ +91 72595 64910 ಪಾತೊರೊಲಿ ಪಂಡ್ದ್ ತೆರಿಪಾದೆರ್.

ವರದಿ :ಯಾದವ ಎಸ್ ಕಲ್ಲಾಪು