ಬೆದ್ರದ ದೇರೆಗುಡ್ಡೆ ಗ್ರಾಮಡ್ ಇಪ್ಪುನ ಪಣಪಿಲ ಅರಮನೆತ್ತ ಕೊನ್ನಾರ ಮಾಗಣೆದ ಶ್ರೀ ಕ್ಷೇತ್ರ ಇಟಲ ಸೋಮನಾಥೇಶ್ವರ ದೇವಲ್ಯದ ಜೀರ್ಣೋದ್ಧಾರದ ಪ್ರಕ್ರಿಯೆ ಚಾಲನೆಡ್ ಇತ್ತ್‌ದ್ ಇತ್ತೆ ಗರ್ಭಗುಡಿತ್ತ ಬೇಲೆ ನಡತೊಂದು ಉಂಡು.
ಧರ್ಮಸ್ಥಳದ ಧರ್ಮೋತ್ಥಾನ ಟ್ರಸ್ಟ್‌ದ ಮುತಾಲಿಕೆಡ್ ಗರ್ಭಗುಡಿತ್ತ ಬೇಲೆ ನಡತೊಂದು ಉಂಡು. ಸುತ್ತುಪೌಳಿ, ದೈವದ ಚಾವಡಿ, ನಾಗಬನ, ಸಭಾಂಗಣ ಸೇರಿನಂಚನೆ ಮಸ್ತ್ ಕಾಮಗಾರಿಗಾದ್ ಒಟ್ಟು 5 ಕೋಟಿ ರೂಪಾಯಿದ ಅಂದಾಜಿ ಯೋಜನೆನ್ ತಯಾರ್ ಮಲ್ತ್‌ದೆರ್.
ಶ್ರೀ ಕ್ಷೇತ್ರ ಇಟಲಡ್ ಕ್ಷೇತ್ರದ ಜೀರ್ಣೋದ್ಧಾರದ ವಿಜ್ಞಾಪನಾ ಪತ್ರ ಬುಡುಗಡೆ ಆದಿತ್ತ್‌ದ್ ಪಣಪಿಲ ಅರಮನೆತ್ತ ಮುಖ್ಯಸ್ಥೆರ್ ಆಯಿನ ವಿಮಲ್ ಕುಮಾರ್ ಶೆಟ್ಟಿ, ಜೀರ್ಣೋದ್ದಾರ ಸಮಿತಿದ ಕಾರ್ಯಾಧ್ಯಕ್ಷೆರ್ ಸುಕೇಶ್ ಶೆಟ್ಟಿ ಎದಮೇರು, ಪ್ರಧಾನ ಕಾರ್ಯದರ್ಶಿ ಪ್ರಮೋದ್ ಅರಿಗ, ಕೋಶಾಧಿಕಾರಿ ಸುದೀಶ್ ಕುಮಾರ್ ಅಂಚನೆ ಜೀರ್ಣೋದ್ಧಾರ ಸಮಿತಿದ ಪ್ರಮುಖೆರ್, ಉಪ ಸಮಿತಿದ ಪ್ರಮುಖೆರ್ ಇತ್ತೆರ್.
niriksha