ಮಣಿಪಾಲ: ಸರಿಯಾಯಿನ ದಾಖಲಾತಿ ಇಜ್ಜಂದೆ 100 ಬಾರ್‌ದ ಗೋಣಿ ವಶಕ್ಕ್

ಮಣಿಪಾಲ: ಸರಿಯಾಯಿನ ದಾಖಲಾತಿ ಇಜ್ಜಂದೆ ಕೊನೊವೊಂದಿತ್ತಿನ 100 ಮೂಟೆ ಬಾರ್‌ದ ಗೋಣಿ ಚೀಲನ್ ಮಣಿಪಾಲ ಠಾಣೆದ ಪೊಲೀಸೆರ್ ವಶಕ್ಕ್ ದೆತೊಂದೆರ್.

ಕರ್ನಾಟಕ ವಿಧಾನಸಭಾ ವೋಟುದ ಪೊರ್ತುಡು ಎಂ ಐ ಟಿ ಜಂಕ್ಷನ್ ಕೈತಲ್ ಪರ್ಕಳ-ಒಡಿಪು ರಾ.ಹೆ.169 ಡ್ ಮಣಿಪಾಲ ಪೊಲೀಸ್ ಠಾಣೆದ ಪೊಲೀಸ್ ಉಪನಿರೀಕ್ಷೆಕೆರ್ ರುಕ್ಮ ನಾಯ್ಕ್ ಗಾಡಿನ್ ತಪಾಸಣೆ ಮಲ್ತ್‌ದೆರ್. ಈ ಪೊರ್ತುಡು ಪರ್ಕಳರ್ದ್ ಮಣಿಪಾಲದಂಚಿ ಪೊವೊಂದಿತ್ತಿನ KA-31-4536 ಲಾರಿದ ಡ್ರೈವರ್ ಡೇನಿಲ್ ಅಂತೋನಿ ಪನ್ಪಿನಾರ್ ಹಳಿಯಾಳರ್ದ್ ಬೊಲ್ತೇರ್ ತಾಲೂಕ್‌ದ ಮಾರುತಿಪುರದ ಅರಿತ್ತ ಮಿಲ್‌ಗ್ ಒವ್ವೇ ದಾಖಲೆ ಇಜ್ಜಂದೆ 100 ಮೂಟೆ ಬಾರ್‌ನ್ ಕೊನವೊಂದಿತ್ತೆರ್. ಈ ಚೀಲನ್ ಮಣಿಪಾಲ ಠಾಣೆದ ಪೊಲೀಸೆರ್ ವಶಕ್ಕ್ ದೆತೊಂದೆರ್.