ಫ್ಲೋರಿಡಾ: ರಷ್ಯಾದ ಡ್ಯಾನಿಲ್ ಮೆಡ್ವೆಡೇವ್ ಮಯಾಮಿ ಓಪನ್ ಟೆನಿಸ್ ಪ್ರಶಸ್ತಿನ್ ಪಡೆತೆರ್. ಸೌತ್ ಫ್ಲೋರಿಡಾದ ಹಾರ್ಡ್ ರಾಕ್ ಸ್ಟೇಡಿಯಂಡ್ ನಡತಿನ ಫೈನಲ್ಡ್ ಆರ್ ಇಟಲಿದ ಜಾನಿಕ್ ಸಿನ್ನರ್ ಅರೆನ್ 7-5, 6-3 ಅಂತರರ್ದ್ ಸೋಪಾದೆರ್.
ಉಂದು ಈ ವರ್ಷ ಡ್ಯಾನಿಲ್ ಮೆಡ್ವೆಡೇವ್ ಗೊಬ್ಬುದಿನ 5ನೇ ಫೈನಲ್ ಅಂಚನೆ ಗೆಂದಿನ 4 ನೇ ಪ್ರಶಸ್ತಿ ಆತ್ಂಡ್. ದೋಹಾ, ರೋಟರ್ಡ್ಯಾಮ್ ಬೊಕ್ಕ ದುಬಾೖ ಪಂತೊಡು ಚಾಂಪಿಯನ್ ಆಯಿನ ಆರ್ ಮೆಡ್ವೆಡೇವ್, ರಡ್ಡ್ ವಾರದ ಪಿರವುದ ಇಂಡಿಯನ್ ವೆಲ್ಸ್ ಕೂಟದ ಫೈನಲ್ಡ್ ಕಾರ್ಲೋಸ್ ಅಲ್ಕರಾಜ್ಗ್ ಶರಣಾದಿತ್ತೆರ್.