ಛತ್ತೀಸ್ಗಢದ ಕಬೀರ್ಧಾಮ್ ಜಿಲ್ಲೆಡ್ ಮದಿಮೆಗ್ ಉಡುಗಿರ ಆದ್ ತಿಕ್ಕಿನ ಹೋಮ್ ಥಿಯೇಟರ್ ಮ್ಯೂಸಿಕ್ ಸಿಸ್ಟಮ್ ಪುಡಾದ್ ಪೊಸ ಮದಿಮಾಯೆ ಬೊಕ್ಕ ಅರೆನ ಪಲಯೆ ತೀರ್ ಪೋದಿತ್ತ್ದ್ ನಾಲ್ ಜನಕ್ಕ್ ಮಸ್ತ್ ಪೆಟ್ಟಾತಿನ ಘಟನೆ ನಡತ್ಂಡ್.
ಪುಡಾದಿನ ಪೆಟ್ಟ್ಗ್ ಹೋಮ್ ಥೀಯೆಟರ್ ಸಿಸ್ಟಮ್ ದೀತಿನ ಕೋಣೆದ ಗೋಡೆ ಅಂಚನೆ ಮಿತ್ತ್ದ್ ಮಾಡ್ ಬೂರ್ದ್ಂಡ್ ಪಂದ್ ಪೊಲೀಸೆರ್ ತೆರಿಪಾದೆರ್.
ಎಪ್ರಿಲ್ 1 ಕ್ಕ್ 22 ವರ್ಷದ ಹೇಮೇಂದ್ರ ಮೆರಾವಿ ಮದಿಮೆ ಆದಿತ್ತೆರ್. ಹೇಮೇಂದ್ರ ಉಡುಗಿರ ಬತ್ತಿನ ಹೋಮ್ ಥಿಯೇಟರ್ ಸಿಸ್ಟಮ್ ವೈಯರ್ನ್ ಎಲೆಕ್ಟ್ರಿಕ್ ಬೋರ್ಡ್ಗ್ ತಿಕ್ಕಾದ್ ಆನ್ ಮಲ್ಪುನಗ, ಈ ಸ್ಪೋಟ ನಡತ್ತ್ದ್ ಜಾಗೆಡೇ ತೀರ್ ಪೋತೆರ್.