ಥಾಣೆ: ಥಾಣೆ ಪಶ್ಚಿಮದ ವೀರ್ ಸಾವರ್ಕರ್ ನಗರಡ್ ಇಪ್ಪುನ ಶ್ರೀ ಚಾಮುಂಡೇಶ್ವರಿ ಕ್ಷೇತ್ರದ ಮುತಾಲಿಕೆಡ್ ಶ್ರೀ ಶನಿಗ್ರಂಥ ಪಾರಾಯಣ ಎ.2 ಐತಾರ ಮಂದಿರದ ಮುಖ್ಯಸ್ಥೆರ್ ಶಿವಪ್ರಸಾದ್ ಪೂಜಾರಿ ಪುತ್ತೂರ್ ಅರೆನ ಮುಂದಾಳತ್ವಡ್ ಅಂಚನೆ ಜಗದೀಶ್ ತಂತ್ರಿಲೆನ ಮಾರ್ಗದರ್ಶನಡ್ ನಡಪರೆ ಉಂಡು.
ಮಧ್ಯಾಹ್ನ 2 ಗಂಟೆರ್ದ್ ರಾತ್ರೆ 8 ಗಂಟೆ ಮುಟ್ಟ ಶ್ರೀ ಶನೀಶ್ವರ ಮಂದಿರ ಭಟ್ಟಿಪಾಡ, ಭಾಂಡುಪ್ ಮೊಕ್ಲೆನ ಕೂಟರ್ದ್ ಶ್ರೀ ಶನಿಗ್ರಂಥ ಪಾರಾಯಣ ಯಕ್ಷಗಾನ ತಾಳಮದ್ದಳೆದ ರೂಪಡ್ ನಡಪರೆ ಇತ್ತ್ದ್, ಅಯಿರ್ದ್ ಬೊಕ್ಕ ಮಹಾ ಆರತಿ ಅಂಚನೆ ತೀರ್ಥ ಪ್ರಸಾದ ಕೊರ್ಪಿನ ಲೇಸ್ ನಡಪರೆ ಉಂಡು.
ಭಕ್ತೆರ್ ಈ ಪುಣ್ಯಕಾರ್ಯಗ್ ಬತ್ತ್ದ್ ಶ್ರೀ ಶನಿದೇವೆರೆನ ಕೃಪೆಗ್ ಪಾತ್ರರಾವೋಡು ಪಂದ್ ಶ್ರೀ ಚಾಮುಂಡೇಶ್ವರಿ ಕ್ಷೇತ್ರದ ಪರವಾದ್ ಶಿವಪ್ರಸಾದ್ ಪೂಜಾರಿ ಪುತ್ತೂರ್(ಮುಖ್ಯಸ್ಥೆರ್) ಅಂಚನೆ ಸರ್ವ ಸದಸ್ಯೆರ್, ಭಜನಾ ಮಂಡಳಿ ಅಂಚನೆ ಮಹಿಳಾ ಮಂಡಳಿದ ಸದಸ್ಯೆರ್ ತೆರಿಪಾದೆರ್.