ಕುಡ್ಲ: ಸಂತೋಷ್ನಗರದ ಶ್ರೀ ಮಹಾಕಾಳಿ ಅಮ್ಮನ ಕಟ್ಟೆಡ್ ಮಾ.25 ತಾರೀಕ್ಗ್ ಶ್ರೀ ಮಹಾಕಾಳಿ ಅಮ್ಮನ ಕಟ್ಟೆಡ್ ಪ್ರತಿಷ್ಠಾ ವರ್ಧಂತಿ ಮಹೋಚ್ಚಯ ವೇದಾಂತ ವಿದ್ವಾನ್ ಸುರೇಶ್ ಬಾರಿತ್ತಾಯ ಮೆರೆನ ಮುತಾಲಿಕೆಡ್ ನಡಪರೆ ಉಂಡು.
ಕಾಂಡೆ ಗಣಹೋಮ, ಕಲಶಾಭಿಷೇಕ ಆದ್ ಮಹಾಕಾಳಿ ಸಹಸ್ರನಾಮಾವಳಿ ಹೋಮ ನಡಪರೆ ಉಂಡು. ಮಧ್ಯಾಹ್ನ ವಿಶೇಷ ಮಹಾಪೂಜೆ ಆದ್ ಪಲ್ಲಪೂಜೆ ಬೊಕ್ಕ ಪ್ರಸಾದ ಕೊರ್ಪಿನ ಲೇಸ್ ನಡಪರೆ ಉಂಡು. ರಾತ್ರೆ ಮಹಾಪೂಜೆ, ಕೋರಿಬಲಿ ಬೊಕ್ಕ ರಾತ್ರೆ 9.30 ಗಂಟೆಗ್ ಶ್ರೀ ವೀರಭದ್ರ ಸ್ವಾಮಿ ದಶಾವತಾರ ಯಕ್ಷಗಾನ ಮಂಡಳಿ, ಶ್ರೀ ಕ್ಷೇತ್ರ ಹಿರಿಯಡ್ಕ ಮೊಕುಲೆರ್ದ್ “ಮಾಯೊದ ಅಜ್ಜೆ” ಯಕ್ಷಗಾನ ನಡಪರೆ ಉಂಡು.
ಈ ಲೇಸ್ಗ್ ಮಾತ ಭಕ್ತೆರ್ ಬತ್ತ್ದ್ ಶ್ರೀ ದೇವಿನ ಸಿರಿಮುಡಿ ಗಂಧ ಪ್ರಸಾದನ್ ಸ್ವೀಕಾರ ಮಲ್ತ್ದ್ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ಶ್ರೀ ಮಹಾಕಾಳಿ ಸೇವಾ ಸಮಿತಿ (ರಿ.) ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty