ಶಿವ ತತ್ವ ಪನ್ಪಿನನೇ ಅದ್ವಿತೀಯ,ಅವು ಮಂಗಲಪ್ರದ

ಪಾವಂಜೆ ಮಹಾಲಿಂಗೇಶ್ವರ ದೇವಲ್ಯದ ಬ್ರಹ್ಮಕಲಶ ಉಚ್ಚಯದ 4 ನೇ ದಿನತ್ತ ಲೇಸ್ ಡ್ ವೇ.ಮೂ. ಕೆ. ಅನಂತಪದ್ಮನಾಭ ಉಪಾಧ್ಯಾಯೆರ್

ಹಳೆಯಂಗಡಿ : ಶಿವ ತತ್ವ ಪನ್ಪಿನನೇ ಅದ್ವಿತೀಯ ಕಲ್ಪನೆ.ಅವು ಮಂಗಲಪ್ರದವಾಯಿನ ಶಬ್ದ ವೇದ ಕಾಲ, ಪುರಾಣ ಕಾಲ ಬೊಕ್ಕ ಇತ್ತೆದ‌ ಕಾಲಮಾನೊಗು ಬೋಡುತ್ತಿಲೆಕ ಶಿವತತ್ವದ ಚಿಂತನೆ ಮಲ್ಪೊಲಿ ಪಂದ್ ವೇದಮೂರ್ತಿ ಕೋಡಿಮಜಲು ಅನಂತಪದ್ಮನಾಭ ಉಪಾಧ್ಯಾಯೆರ್ ಪಂಡೆರ್.

ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಸ್ಥಾನಡ್ ಐತಾರದಾನಿ ನಡತಿನ ಬ್ರಹ್ಮಕಲಶ ಉಚ್ಚಯದ ನಾಲ್ನೇ ದಿನತ್ತ ಸಭಾ ಲೇಸ್ ಡ್ “ಪಂಚತತ್ವಲೆಡ್ ಶಿವ ತತ್ವ ಚಿಂತನೆ” ಪನ್ಪಿನ ವಿಚಾರೊಡು ಪಾತೆರಿಯೆರ್.

ತೀರ್ಥಹಳ್ಳಿ ಬಾಳೆಗಾರು ಮಠತ್ತ ಶ್ರೀ ರಘುಭೂಷಣ ತೀರ್ಥ ಸ್ವಾಮೀಜಿ ಲೇಸ್ ಉದಿಪನ ಮಲ್ತೆರ್. ಮುಲ್ಕಿ ಬೆದ್ರ ಶಾಸಕೆರ್ ಉಮಾನಾಥ ಕೋಟ್ಯಾನ್ ಸಭೆತ್ತ ಅಧ್ಯಕ್ಷತೆ ಒಯಿಸ್ ದಿತ್ತೆರ್.

ಮಲ್ಲ ಬಿನ್ನೆರಾದ್ ಮುಲ್ಕಿ ಸೀಮೆ ಅರಸೆರ್ ಶ್ರೀ ದುಗ್ಗಣ್ಣ ಸಾವಂತೆರ್, ಕರ್ಣಾಟಕ ಬ್ಯಾಂಕ್ ವ್ಯವಸ್ಥಾಪಕ ನಿರ್ದೇಶಕೆರ್ ಬೊಕ್ಕ ಸಿಇಒ ಮಹಾಬಲೇಶ್ವರ ಎಂ.ಎಸ್., ಧರ್ಮದರ್ಶಿ ಹರಿಕೃಷ್ಣ ಪುನರೂರು, ಧಾರ್ಮಿಕ ಪರಿಷತ್ ಸದಸ್ಯೆರ್ ಭುವನಾಭಿರಾಮ ಉಡುಪ ಮೊಕುಲು ಬತ್ತಿತ್ತೆರ್.

ಬಿನ್ನೆರಾದ್ ಶ್ರೀ ಕ್ಷೇತ್ರದ ತಂತ್ರಿಲಾಯಿನ ಉಡುಪಿ ಕಂಬ್ಳಕಟ್ಟ ರಾಧಾಕೃಷ್ಣ ಉಪಾಧ್ಯಾಯ, ಕೆಮ್ರಾಲ್ ಗ್ರಾಮಪಂಚಾಯತ್ ಅಧ್ಯಕ್ಷೆರ್ ಲೀಲಾ ಕೃಷ್ಣಪ್ಪ, ಚೇಳಾಯಿರು ಗ್ರಾಪಂ ಅಧ್ಯಕ್ಷೆರ್ ಯಶೋಧಾ ಬಿ., ದಾನಿಲಾಯಿನ ರತ್ನಾ ಜಿ ಕಿರೋಡಿಯನ್, ಎಚ್.ಶಿವರಾಯ ಭಟ್ ಪಾವಂಜೆ, ಶಾಂತಾ ರಾಮ ಅಮೀನ್ ನಾನಿಲ್, ಜೀರ್ಣೋದ್ಧಾರ ಬೊಕ್ಕ ಬ್ರಹ್ಮಕಲಶ ಉಚ್ಚಯ ಸಮಿತಿ ಅಧ್ಯಕ್ಷೆರ್ ಪ್ರಕಾಶ್ ಎನ್.ಶೆಟ್ಟಿ,, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಸೂರ್ಯಕುಮಾರ್, ಪ್ರಧಾನ ಕಾರ್ಯದರ್ಶಿ ಚಂದ್ರಶೇಖರ್ ನಾನಿಲ್, ಲಕ್ಷ್ಮಣ ದೇವಾಡಿಗ ಪಡುಮನೆ ಮೊಕುಲು ಮಾತ ಇತ್ತೆರ್.

ಕೆಜಿ ಅಶ್ವಿನಿ ಮೂಡುಮನೆ ದೇವೆರೆನ್ ಸುಗಿತೆರ್. ಜೊತೆ ಕಾರ್ಯದರ್ಶಿ ರಾಮದಾಸ್ ಪಾವಂಜೆ ಬಿನ್ನೆರೆನ್ ಎದ್ಕೊಂಡೆರ್. ಯಾದವ ದೇವಾಡಿಗ, ಎಚ್. ಭಾಸ್ಕರ ಸಾಲ್ಯಾನ್, ಜನಾರ್ದನ ಪಡುಪಣಂಬೂರು, ಲೇಸ್ ನಿರೂಪಣೆ ಮಲ್ತೆರ್. ಸುಧಾಕರ ಆರ್. ಅಮೀನ್ ಸೊಲ್ಮೆ ಸಂದಾಯೆರ್.