ಡೆಲ್ಲಿ: ಲೈಂಗಿಕ ಕಿರುಕುಳ ಆರೋಪ ಬೈದಿನ ನಿಲೆಟ್ಟ್ ಭಾರತೀಯ ಕುಸ್ತಿ ಒಕ್ಕೂಟದ ಅಧ್ಯಕ್ಷೆರ್ ಬ್ರಿಜ್ ಭೂಷಣ್ ಶರಣ್ ಸಿಂಗ್ ಮೆರೆಗ್ 24 ಗಂಟೆದ ಉಲಯಿ ರಾಜೀನಾಮೆ ಕೊರ್ರೆ ಕೇಂದ್ರ ಸರ್ಕಾರದ ಕ್ರೀಡಾ ಸಚಿವಾಲಯ ಗುರುವಾರ ರಾತ್ರೆ ಅಕೇರಿದ ಸೂಚನೆ ಕೊರ್ತುಂಡು.
ಕ್ರೀಡಾ ಸಚಿವೆರ್ ಅನುರಾಗ್ ಠಾಕೂರ್ ತನ್ನ ನಿವಾಸಡ್ ಪ್ರತಿಭಟನೆ ಮಲ್ತೊಂದು ಇತ್ತಿನ ಕುಸ್ತಿ ಆಟಗಾರೆರ್ನ ಪ್ರತಿನಿಧಿಕ್ಕುಲಾಯಿನ ಬಜರಂಗ್ ಪುನಿಯಾ, ವಿನೇಶ್ ಫೋಗಟ್, ಸಾಕ್ಷಿ ಮಲಿಕ್ ಬೊಕ್ಕ ರವಿ ದಹಿಯಾ ಮೊಕ್ಲೆನ್ ಭೇಟಿ ಮಲ್ತ್ ದ್ ಚರ್ಚೆ ಮಲ್ತಿನ ಬೊಕ್ಕ ಕ್ರೀಡಾ ಇಲಾಖೆ ಬ್ರಿಜ್ ಭೂಷಣ್ಗ್ ಈ ಸೂಚನೆ ಕೊರ್ತುಂಡು. ನೆಕ್ಕ್ ಬ್ರಿಜ್ ಭೂಷಣ್ ಶರಣ್ ಸಿಂಗ್, ಎನ್ನ ಮಿತ್ತ್ ದ ಲೈಂಗಿಕ ಕಿರುಕುಳ ಆರೋಪ ಸಾಬೀತ್ ಆಂಡ ಯಾನ್ ಗಲ್ಲ್ ಗ್ ಏರಿಯೆರೆಲ ರಡಿ ಉಲ್ಲೆ ಪಂದ್ ಪಂಡೆರ್.
pallavi shetty 
Editorial