ದುಬೈ: ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇ ಬೊಕ್ಕ ಪಟ್ಲ ಫೌಂಡೇಶನ್ ಘಟಕ ದುಬೈ ನೆತ್ತ ಒಟ್ಟುಸೇರಿಗೆಡ್ ಜೂನ್ 11 ಕ್ ದುಬೈಡ್ ನಡಪರೆ ಇಪ್ಪುನ “ಪಟ್ಲ ಸಂಭ್ರಮ 2023” ತ ಯಕ್ಷಗಾನ ಪ್ರದರ್ಶನದ ಮೂರ್ತ ಪೂಜೆ, ಪೊಸ ಜೋಕುಲೆನ ಗೆಜ್ಜೆ ಸೇವೆ ಬೊಕ್ಕ ಯಕ್ಷಗಾನ ಅಭ್ಯಾಸ ಕೇಂದ್ರದ ಪೊಸ ನಿಸಾನಿ ಬುಡುಗಡೆ ಲೇಸ್ ಜ.15 ಕ್ ನಗರದ ಅಲ್ ಗಿಸಾಸ್ ದ ಫಾರ್ಚೂನ್ ಗ್ರ್ಯಾಂಡ್ ಡ್ ನಡತ್ಂಡ್.
ಲಕ್ಷ್ಮಿಕಾಂತ್ ಭಟ್ ಬೊಕ್ಕ ವೆಂಕಟೇಶ ಶಾಸ್ತ್ರಿಲೆನ ಪೌರೋಹಿತ್ಯಡ್ ಬೊಲ್ಪುಗು ದೇವೆರೆನ ಪ್ರತಿಷ್ಠೆ ಮಲ್ತ್ ದ್ ಚೌಕಿ ಪೂಜೆ ಬೊಕ್ಕ ಮೂರ್ತ ಪೂಜೆ ನಡತ್ಂಡ್. ಬೊಕ್ಕ ಜೋಕುಲೆರ್ದ್, ಪೋಷಕೆರ್ದ್ ಭಜನೆ ಬೊಕ್ಕ ಸಾಮೂಹಿಕ ವಿಷ್ಣು ಸಹಸ್ರನಾಮ ಜಪ ನಡತ್ಂಡ್. ಯಕ್ಷಗಾನ ಅಭ್ಯಾಸ ಕೇಂದ್ರದ ಮಾತ ಪೊಸ ಜೋಕುಲೆರ್ದ್ ರಂಗ ಪ್ರವೇಶ, ಹಿರಿಯ ಕಿರಿಯ ಕಲಾವಿದೆರ್ದ್ ಗೆಜ್ಜೆ ಸೇವೆ ಬೊಕ್ಕ ಪ್ರಸಂಗ ಅಭ್ಯಾಸಾರಂಭ ನಡತ್ಂಡ್. ಬೊಕ್ಕ ಯಕ್ಷಗಾನ ಅಭ್ಯಾಸ ಕೇಂದ್ರದ ನಿಸಾನಿ ಬುಡುಗಡೆ ಆಂಡ್.
ಪೊಸ ನಿಸಾನಿನ್ ಹಿರಿಯ ಉದ್ಯಮಿ, ಪಟ್ಲ ಘಟಕ ದುಬೈದ ಗೌರವ ಅಧ್ಯಕ್ಷೆರ್ ವಾಸುದೇವ ಭಟ್, ಘಟಕದ ಅಧ್ಯಕ್ಷೆರಾದ್ ಸರ್ವೋತ್ತಮ ಶೆಟ್ಟಿ, ಭಿಮಾ ಗೋಲ್ಡ್ ದ ನಾಗರಾಜ ರಾವ್ ಬುಡುಗಡೆ ಮಲ್ತೆರ್. ಬಿನ್ನೆರಾದ್ ದುಬೈ ಸ್ಟೋರ್ಸ್ ದ ಹರೀಶ್ ಬಂಗೇರ, ಬಿಲ್ಲವಾಸ್ ದುಬೈದ ಸತೀಶ್ ಪೂಜಾರಿ, ರಶ್ಮಿಕಾಂತ್ ಶೆಟ್ಟಿ, ರಮಾನಂದ ರೈ, ಮನೋಹರ ತೋನ್ಸೆ, ಸುಧಾಕರ ಪೇಜಾವರ, ಉಮಾಕಾಂತ್, ರಘುರಾಮ ಶೆಟ್ಟಿಗಾರ್, ಸಂದೇಶ್ ಜೈನ್ ಬುಡುಗಡೆ ಲೇಸ್ ಗ್ ಎಡ್ಡೆಪ್ಪು ಬಯಕಿಯೆರ್.
ಸರ್ವೋತ್ತಮ ಶೆಟ್ಟಿ ಮೇರ್ ಪಾತೆರ್ದ್, ಜೂನ್ 11 ರ್ದ್ ದುಬೈದ ಶೇಖ್ ರಷೀದ್ ಆಡಿಟೋರಿಯಂಡ್ “ಪಟ್ಲ ಸಂಭ್ರಮ 2023” ವಿಶ್ವ ಮಟ್ಟದ ಲೇಸ್ ನಡಪುಂಡು. ವಿಶ್ವಡ್ ಇಪ್ಪುನ ಮಾತ ಪಟ್ಲ ಫೌಂಡೇಶನ್ ಘಟಕದ ಅಧ್ಯಕ್ಷೆರ್ ಪದಾಧಿಕಾರಿಲು ಪಾಲ್ ಪಡೆಯೆರೆ ಉಲ್ಲೆರ್ ಬೊಕ್ಕ ಈ ಲೇಸ್ ಯಶಸ್ವಿಯಾದ್ ನಡಪರೆ ಮಾತೆರ್ಲಾ ಸಕಾಯ ಮಲ್ಪೊಡು ಪಂದ್ ಪಂಡೆರ್.
ಪಟ್ಲ ಫೌಂಡೇಷನ್ ಕಾರ್ಯ ವೈಖರಿದ ಬಗೆಟ್ ವಿವರ ಕೊರಿಯೆರ್. ಯಕ್ಷಗಾನ ಅಭ್ಯಾಸ ಕೇಂದ್ರದ ಜೋಕುಲು, ಪೋಷಕೆರ್, ಪಟ್ಲ ಘಟಕ ದುಬೈ ಘಟಕದ ಪದಾಧಿಕಾರಿಲು ಸರ್ವ ಸದಸ್ಯೆರ್ ಇತ್ತೆರ್. ಯಕ್ಷಗಾನ ಅಭ್ಯಾಸ ಕೇಂದ್ರದ ಸದಸ್ಯೆರ್ದ್ ಬೊಕ್ಕ ಊರುದ ಕಲಾವಿದೆರೆನ ಒಟ್ಟುಸೇರಿಗೆಡ್ ಜೂ.11 ಕ್ಕ್ “ದಶಾವತಾರ” ಯಕ್ಷಗಾನ ಪ್ರದರ್ಶನ ಆವರೆ ಉಂಡು.
ಯಕ್ಷಗಾನ ಅಭ್ಯಾಸ ಕೇಂದ್ರದ ರೂವಾರಿ ದಿನೇಶ್ ಶೆಟ್ಟಿ ಕೊಟಿಂಜ ಎದ್ಕೊನಿಯೆರ್. ರಾಜೇಶ್ ಕುತ್ತಾರ್ ಬೊಕ್ಕ ಯಕ್ಷ ಗುರು ಶೇಖರ್ ಶೆಟ್ಟಿಗಾರ್ ಲೇಸ್ ಸುಧಾರಿಕೆ ಮಲ್ತೆರ್. ಮಧ್ಯಾಹ್ನ ಮಾಪೂಜೆ ಬೊಕ್ಕ ಅನ್ನ ಸಂತರ್ಪಣೆ ನಡತ್ಂಡ್.
✒️ವಿಜಯಕುಮಾರ್ ಶೆಟ್ಟಿ ಗಾಣದಮೂಲೆ ಮಜಿಬೈಲ್ (ದುಬೈ)
Patla Sambrama -2023 Dubai
Emblem of the Yakshagana training centre, Dubai released
Dubai: The ” Patla Sambrama – 2023 ” Cultural programme will be held on June 11 th at Dubai under the auspices of Patla foundation Dubai unit and Yakshagana training centre Dubai.
Yakshagana show, pooja rituals, induction of new Yakshagana students, release of the emblem of the Yakshagana training centre has been planned.
The customs and rituals will be held under the guidance of Lakshmikant Bhat and Venkatesh Shastri.
Bajans and Vishnu Sahasranama chanting, Rangapravesh of new students and such other activities will be held through out the day .
The new emblem will be released by senior enterpreneur honorary president of the Patla foundation Dubai unit Vasudev Bhat, president Sarvottam Shetty and Nagaraj Rao from Bheema Gold .
The guests at the program Harish Bangera of Dubai Stores, Satish Bangera of Billavas Dubai, Rashmikanth Shetty, Ramanand Rai, Manohar Tonse, Sudakar Pejawar, Umakant, Raghuram Shettigar and Sandesh Jain.
Speaking of the event president Sarvottam Shetty said that the program will be on an international level and office bearers of the different units of the Patla foundation from all over are expected at the program.He explained the different aspects of the celebration to the members of the Dubai unit and requested for the cooperation of the members for the successful
conduct of the program.
A Yakshagana program Dashavatar will be presented on June 11 th by the students of Yakshagana training centre.
