ಶಿವಮೊಗ್ಗ : ಇಲ್ಲಡ್ ಶಾರ್ಟ್ ಸರ್ಕಿಟ್ ಆದ್ ಪೊತ್ತಿನ ತೂ ರ್ದ್ ಮಗನ್ ಬಚಾವ್ ಮಲ್ಪರೆ ಪೋದು ವ್ಯಕ್ತಿ ಒರಿ ತನ್ನ ಪ್ರಾಣನ್ ಕೊರ್ನ ಐತಾರ ಶಿವಮೊಗ್ಗಡ್ ನಡತ್ಂಡ್.
ಪುಗರ್ತೆದ ಭೂಪಾಳಂ ಫ್ಯಾಮಿಲಿದ ಶರತ್ (39) ತೀರ್ ಪೋಯಿನಾರ್. ಮೆರೆನ್ ಕೂಡ್ಲೆ ಕೈತಡೇ ಇಪ್ಪುನ ನಂಜಪ್ಪ ಆಸ್ಪತ್ರೆಗ್ ಸೇರ್ಸಾದ್ ಚಿಕಿತ್ಸೆ ಕೊರ್ಡಾಂಡಲ ಅವು ಫಲಕಾರಿ ಆವಂದೆ ತೀರ್ ಪೋಯೆರ್. ಜಾಗೆಗ್ ಅಗ್ನಿಶಾಮಕದಳ ಬತ್ತ್ ದ್, ತೂ ತೆಕ್ಕಾದೆರ್. ಕೈತಲ್ ದ ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.
ಎಕ್ಕಾರ್ ದ ದುರ್ಗಾ ಕಲ್ಚರಲ್ & ಕ್ರಿಕೆಟ್ ಕ್ಲಬ್ (ರಿ)ದ 2023-24 ಸಾಲಿನ ನೂತನ ಪದಾಧಿಕಾರಿಲೆನ ಆಯ್ಕೆ ನಡತ್ಂಡ್.
ಅಧ್ಯಕ್ಷೆರಾದ್ ಚೇತನ್ ಬಂಗೇರ, ಗೌರವಾಧ್ಯಕ್ಷೆರಾದ್ ನಿತೀನ್ ಹೆಗ್ಡೆ ಕಾವರಮನೆ, ಪ್ರಕಾಶ್ ಕುಕ್ಯಾನ್, ಸುದೀಪ್ ಅಮೀನ್, ಸುರೇಶ್ ಶೆಟ್ಟಿ ಆಯ್ಕೆ ಆತೆರ್. ಗೌರವ ಪ್ರಧಾನ ಕಾರ್ಯದರ್ಶಿಲಾದ್ ಪದ್ಮನಾಭ ಪೂಜಾರಿ, ಪ್ರದೀಪ್ ಶೆಟ್ಟಿ, ತುಕಾರಾಮ ಪೂಜಾರಿ ಪ್ರವೀಣ್ ಆಚಾರ್ಯ ಆಯ್ಕೆ ಆತೆರ್. ಉಪಾಧ್ಯಕ್ಷೆರಾದ್ ನಿರಂಜನ ಕುಲಾಲ್, ಕಾರ್ಯದರ್ಶಿಯಾದ್ ಕಾರ್ತಿಕ್ ಕೋಶಾಧಿಕಾರಿಯಾದ್ ಸಚಿನ್ ಕುಂದರ್ ಜೊತೆ ಕಾರ್ಯದರ್ಶಿಯಾದ್ ರಾಹುಲ್ ಪೂಜಾರಿ, ಜೊತೆ ಕೋಶಾಧಿಕಾರಿಯಾದ್ ಅಖಿಲ್ ಅಂಚನ್ ಸ್ಪೋರ್ಟ್ಸ್ ಕ್ಯಾಪ್ಟನ್ ಆದ್ ಸುಮನ್ ಕುಂದರ್ ಉಪ ಕ್ಯಾಪ್ಟನ್ ಲೇಖನ್ ಶೆಟ್ಟಿ ಕ್ರೀಡಾ ಕಾರ್ಯದರ್ಶಿಯಾದ್ ವೆಂಕಟೇಶ ಪೂಜಾರಿ ಆಯ್ಕೆ ಆತೆರ್.
ಹಳೆಯಂಗಡಿ : ಜೀರ್ಣೋದ್ಧಾರ ಆವೊಂದು ಉಪ್ಪುನ ಪುಗರ್ತೆದ ಧಾರ್ಮಿಕ ಕ್ಷೇತ್ರ ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯಡ್ ಸ್ಥಾಪನೆ ಆವರೆ ಇಪ್ಪುನ ಪೊಸ ಕೊಡಿಮರತ್ತ ಮೆರವಣಿಗೆ ಜ.14ಕ್ ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯರ್ದ್ ಪಿದಾಡರೆ ಉಂಡು. ಅಂಚಾದ್ ಮೆರವಣಿಗೆದ ಪೂರ ವ್ಯವಸ್ಥೆಲ ಆತ್ಂಡ್ ಪಂದ್ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಹರಿದಾಸ್ ಭಟ್ ಪಂಡೆರ್.
ಮೇರ್ ತೋಕೂರ್ ಶ್ರೀ ಸುಬ್ರಹ್ಮಣ್ಯ ದೇವಲ್ಯದ ಚಾವಡಿಡ್ ನಡತಿನ ಅಟ್ಟಣೆದ ಸಭೆ ಬೊಕ್ಕ ಅಕೇರಿದ ಸಭೆಟ್ ಈ ಪೊಲಬು ಕೊರಿಯೆರ್. ಈ ಮೆರವಣಿಗೆಡ್ ಕೈತಲ್ ದ ಬೇತೆ ಬೇತೆ ಸಂಘ ಸಂಸ್ಥೆಲು ಸ್ವಯಂ ಪ್ರೇರಣೆರ್ದ್ ನಾಸಿಕ್ ಬ್ಯಾಂಡ್, ಚೆಂಡೆ, ಬೇತೆ ಬೇತೆ ವೇಷ, ನಲಿಕೆ ಬೊಕ್ಕ ನಿರಂತರ ಭಜನೆ, ಪೂರ್ಣಕುಂಭ ಕಲಶ, ಡೋಲು, ಸ್ಯಾಕ್ಸೊಫೋನ್, ಬಣ್ಣ ಬಣ್ಣದ ಕೊಡೆ, ಅನಾರ್ಕಲಿ, ಕೀಲ್ ಕುದುರೆ ಇಂಚಿನ ಮಾತ ಬಿರ್ದಾವಳಿ ಇಪ್ಪುಂಡು ಪಂದ್ ಪಂಡೆರ್.
ಪಡುಪಣಂಬೂರು ಕೋರ್ದಬ್ಬು ದೈವೊಲ್ಯದ ಬೊಕ್ಕ ಕಲ್ಲಾಪು ದೇವಲ್ಯದ ಕೈತಲ್ ತಂಪು ಬಾಜೆಲ್ ದ ವ್ಯವಸ್ಥೆ ಮಲ್ದ್ಂಡ್. ಬಪ್ಪನಾಡ್ ರ್ದ್ ಮುಲ್ಕಿ ಬಿಲ್ಲವ ಸಂಘ ಮುಟ್ಟ ಬತ್ತ್ ದ್ ಬೊಕ್ಕ ಪಡುಪಣಂಬೂರು ರಾಷ್ಟ್ರೀಯ ಹೆದ್ದಾರಿರ್ದ್ ಕಲ್ಲಾಪುದ ಮುಖೇನ ತೋಕೂರ್ ಗ್ ಪೊಸ ಕೊಡಿಮರತ ಮೆರವಣಿಗೆ ಬರಿಯೆರೆ ಉಂಡು ಪಂದ್ ಪಂಡೆರ್.
ಈ ಪೊರ್ತುಡು ಅರ್ಚಕೆರ್ ಮಧುಸೂಧನ ಆಚಾರ್ಯ, ವ್ಯವಸ್ಥಾಪನಾ ಸಮಿತಿದ ವಿಜಯಕುಮಾರ್ ರೈ, ಜೀರ್ಣೋದ್ಧಾರ ಸಮಿತಿದ ಉಪಾಧ್ಯಕ್ಷೆರ್ ಮೋಹನ್ದಾಸ್, ಕಲ್ಲಾಪು ದೇವಲ್ಯದ ರತ್ನಾಕರ ಶೆಟ್ಟಿಗಾರ್, ಎಲ್.ಕೆ. ಸಾಲ್ಯಾನ್ ಇತ್ತೆರ್.
ಕುಶಾಲನಗರ: ತಿಗಲೆ ಬೇನೆಡ್ 6ನೇ ಕ್ಲಾಸ್ ದ ಕಲ್ಪಾರ್ಥಿಯೊರಿ ಆಸ್ಪತ್ರೆಗ್ ಲೆತೊಂದು ಪೋನಗ ತೀರ್ ಪೋಯಿನ ಘಟನೆ ಕೊಡಗು ಜಿಲ್ಲೆದ ಕುಶಾಲನಗರ ತಾಲೂಕ್ ದ ಕೂಡುಮಂಗಳೂರು ಗ್ರಾಮಡ್ ನಡತ್ಂಡ್.
ಚಾಲಕೆರ್ ಮಂಜಾಚಾರಿ ಮೆರೆನ ಮಗೆ ಕೀರ್ತನ್ (12) ತೀರ್ ಪೋಯಿನಾರ್. ಕೊಪ್ಪ ಭಾರತ ಮಾತಾ ಶಾಲೆದ ಕಲ್ಪಾರ್ಥಿ ಆದಿತ್ತೆರ್.
ತುಳುನಾಡ್ದ ಕಾರ್ಣಿಕದ ಕ್ಷೇತ್ರ ಕಂಕನಾಡಿ ಶ್ರೀ ಬ್ರಹ್ಮ ಬೈದರ್ಕಳ ಗರಡಿ ಕ್ಷೇತ್ರದ 150ನೇ ವರ್ಷದ ಗೌಜಿದ ಲೇಸ್ ಮಾರ್ಚ್ 3-7 ತಾರೀಕ್ ಮುಟ್ಟ ಕ್ಷೇತ್ರದ ಅರ್ಚಕೆರ್ ವೇದಮೂರ್ತಿ ಕೆ. ವಾಸುದೇವ ಶಾಂತಿ ಮೇರ್ನ ಉಪಸ್ಥಿತಿಟ್ಟ್ ಗಂಗಾಧರ ಶಾಂತಿ ಮೆರೆನ ಮುತಾಲಿಕೆಡ್ ಅಂಚನೆ ಶ್ರೀ ನಾರಾಯಣ ಗುರು ವೈದಿಕ ಸಮಿತಿ(ರಿ) ಕುಡ್ಲ ಮೊಕ್ಲೆನ ಒಟ್ಟುಸೇರಿಗೆಡ್ ನಡಪರೆ ಉಂಡು.
ಮಾ.3 ಸುಕ್ರಾರ ಬೊಲ್ಪುಗು ಋತ್ವಿಜೆರ್ ಬತ್ತ್ ದ್ ಮಧ್ಯಾಹ್ನ 3 ಗಂಟೆಗ್ ಪುದೆ ಕಾಣಿಕೆ ಮೆರವಣಿಗೆ ಕುದ್ರೋಳಿ ಶ್ರೀ ಗೋಕರ್ಣನಾಥ ಕ್ಷೇತ್ರರ್ದ್ ಬರಿಯರೆ ಉಂಡು. ಮಾ.4 ಸನಿಯಾರ ಬೊಲ್ಪುಗು ಒಂಜಿ ಸಾರ ತಾರಾಯಿದ ಗಣಓಮ ನಡಪರೆ ಉಂಡು. ಮಾ.5 ಐತಾರ ಬೊಲ್ಪುಗು ಕ್ಷೇತ್ರದ ಪರಿವಾರ ದೈವ ದೇವೆರೆಗ್ ಕಲಶಾಭಿಷೇಕ ನಡಪರೆ ಉಂಡು. ಮ.6 ಸೋಮಾರ ಕಾಂಡೆ 7.40 ಗು ಶ್ರೀ ಬ್ರಹ್ಮಬೈದೆರ್ಲೆಗ್ ಒಂಜಿ ಸಾರ ಕಲಶದ ಕುಂಭಾಭಿಷೇಕ ನಡಪರೆ ಉಂಡು. ಮಾ.7 ಅಂಗಾರೆ ರಾತ್ರೆ 9 ಗು ನಾಗಪಾತ್ರಿ ಕಾವೂರು ಮನೋಜ್ ಶಾಂತಿ ಬೊಕ್ಕ ಕೂಟದಕ್ಲೆರ್ದ್ ಹಾಲಿಟ್ಟು ಸೇವೆ ಬೊಕ್ಕ ನಾಗ ಬ್ರಹ್ಮ ಮಂಡಲೋತ್ಸವ ಸೇವೆ ನಡಪರೆ ಉಂಡು. ಅಂಚನೆ ದಿನೊಲ ಮಧ್ಯಾಹ್ನ ಅನ್ನಸಂತರ್ಪಣೆ, ಬಯ್ಯಡ್ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮ ನಡಪರೆ ಉಂಡು ಪಂದ್ ಕ್ಷೇತ್ರದ ಅಧ್ಯಕ್ಷೆರ್ ಕೆ.ಚಿತ್ತರಂಜನ್, 150 ನೇ ಸಂಭ್ರಮ ಸಮಿತಿದ ಪ್ರಧಾನ ಸಂಚಾಲಕೆರ್ ಎಂ. ಮೋಹನ್ ಉಜ್ಜೋಡಿ, ಮ್ಯಾನೇಜರ್ ಜೆ.ಕಿಶೋರ್ ಕುಮಾರ್, ಆಡಳ್ತೆ ಮೊಕ್ತೇಸರೆರ್ ಬಿ.ವಿಠಲ, ಎ.ವಾಮನ, ಬಿ.ದಾಮೋದರ ನಿಸರ್ಗ, ದಿವರಾಜ್, ಜಗದೀಪ್ ಡಿ.ಸುವರ್ಣ, ಜೆ.ದಿನೇಶ್ ಅಂಚನ್, ಜೆ.ವಿಜಯ್ ಬೊಕ್ಕ ಪ್ರತಿನಿಧಿ ಸದಸ್ಯೆರ್ ಅಂಚನೆ ಬೇತೆ ಬೇತೆ ಸಮಿತಿದಕುಲು ತೆರಿಪಾದೆರ್.
ಬ್ರಹ್ಮೆರ್ನ ಮೂರ್ತಿಗ್ ಬಂಗಾರ್ದ ಲೇಪ
ಕಂಕನಾಡಿ ಗರಡಿಗ್ 150 ನೇ ವರ್ಷದ ನೆಂಪುಗಾದ್ ಬ್ರಹ್ಮೆರ್ನ ಮೂರ್ತಿಗ್ ಬಂಗಾರ್ದ ಲೇಪ ಪಾಡುನ ಕಜ್ಜ ನಡಪರೆ ಉಂಡು. ಈ ಕಜ್ಜೊಗು 40 ಲಕ್ಷ ರೂ. ಕರ್ಚಿ ಆಪಿನ ಅಂದಾಜಿ ಉಂಡು. ಭಕ್ತೆರ್ ಬಂಗಾರ್ದ 1ಪವನ್, ಅರ್ಧ ವನ್, ಕಾಲ್ ಪವನ್ ಇಜ್ಜಿಡ ಒಂಜಿ ಗ್ರಾಮ್ ಬಂಗಾರ್ ಕೊರ್ದು ಸೇವೆ ಮಲ್ಪೊಲಿ ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
March 3-7 : 150 years celebration of Sri Brahmabaidarkala Garadi, Kankanady
The much revered Kshetra – Sri Brahmabaidarkala Garadi Kankanady will be having it’s 150 years celebration from March 3rd -7th.
The program will be held under the auspices of Sri Narayana Guru Vaidika samithi, Mangalore with the chief priest Sri Vasudev Shanti and Gangadhar Shanti heading the proceedings.
Holy rituals and customs will follow on all the three days with holy meals in the afternoon and cultural programme in the evening said
K Chittaranjan president of the Kshetra.
To commemorate 150 years the main idols of Garadi will have a gold plating done the cost of which is estimated at 40 lakhs . Devotees can contribute in gold coins weighing 8,4,2 or 1 gram
ಸ್ವಾತಂತ್ರ್ಯ ಯೋಧೆರ್ ಡಾ. ಅಮ್ಮೆಂಬಳ ಬಾಳಪ್ಪ ಜನ್ಮಶತಾಬ್ದಿ ಲೇಸ್ ದ ಅಟ್ಟಣೆದ ಸಭೆ ಬಿ.ಸಿ.ರೋಡ್ ಸಂಚಯಗಿರಿತ ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರಡ್ ಜ.8 ಐತಾರ ನಡತ್ಂಡ್.
ಲೇಸ್ ದ ಗುರ್ಕಾರ್ಮೆನ್ ಒಯಿಸ್ ದಿತ್ತಿನ ಬಂಟ್ವಾಳ ಡಾ. ಅಮ್ಮೆಂಬಳ ಬಾಳಪ್ಪ ಸ್ಮಾರಕ ಸೇವಾ ಪ್ರತಿಷ್ಠಾನದ ಅಧ್ಯಕ್ಷೆರ್, ಪತ್ರಕರ್ತೆರ್ ಅಮ್ಮೆಂಬಳ ಆನಂದ ಮೇರ್ ಲೇಸ್ ದ ರೂಪುರೇಷೆಲೆನ್ ತೆರಿಪಾಯೆರ್. ಬೊಕ್ಕ ದೇಶಭಕ್ತಿಗೀತೆ ಪಂತೊದ ಅಟ್ಟಣೆ, ಅಮ್ಮೆಂಬಳ ಬಾಳಪ್ಪರ ಸಂಸ್ಮರಣಾರ್ಥ ಸಂಚಿಕೆ ಬುಡುಗಡೆ, ಸಾಧಕೆರೆಗ್ ತಮ್ಮನದ ಬಗೆಟ್ ಸಮಾಲೋಚನೆ ನಡತ್ಂಡ್. ಈ ಲೇಸ್ ದ ಯಶಸ್ವಿನ್ ಬೇತೆ ಬೇತೆ ಸಮಿತಿಲೆನ್ ತಯಾರಿ ಮಲ್ತ್ಂಡ್. ಅಧ್ಯಕ್ಷೆರಾದ್ ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರದ ಮುಖ್ಯಸ್ಥೆರ್ ಪ್ರೊ. ತುಕಾರಾಮ ಪೂಜಾರಿ, ಗೌರವಾಧ್ಯಕ್ಷೆರಾದ್ ಪತ್ರಕರ್ತೆರ್ ಡಾ. ಅಮ್ಮೆಂಬಳ ಆನಂದ, ಪ್ರಧಾನ ಕಾರ್ಯದರ್ಶಿಯಾದ್ ಪುಂಡರೀಕಾಕ್ಷ ಯು. ಕೈರಂಗಳ, ಕೋಶಾಧಿಕಾರಿಯಾದ್, ಉಮೇಶ್ ಪಿ.ಕೆ. ನಾಗಲಚ್ಚಿಲ್, ಪ್ರಧಾನ ಸಂಯೋಜಕೆರಾದ್ ಮಂಜು ವಿಟ್ಲ, ಸಂಪಾದಕ ಮಂಡಳಿಗ್ ಡಾ.ಆಶಾಲತಾ ಸುವರ್ಣ, ಡಾ.ರಶ್ಮಿ ಅಮ್ಮೆಂಬಳ, ರತ್ನಾವತಿ, ಪ್ರಸಾದ್ ಕುಮಾರ್ ಮಾರ್ನಬೈಲು, ಡಾ. ದುಗ್ಗಪ್ಪ ಕಜೆಕಾರ್ ನ್ ಆಯ್ಕೆ ಮಲ್ತೆರ್. ಈ ಪೊರ್ತುಡು ನಿವೃತ್ತ ಯೋಧೆ ಡಿ.ಚಂದಪ್ಪ ಮೂಲ್ಯ, ಭೋಜ ಅಡ್ಯಾರ್, ಮಯೂರ್ ಉಳ್ಳಾಲ್, ರವೀಂದ್ರನಾಥ, ತೇಜಸ್ವಿರಾಜ್, ಶ್ರೀರಾಮ ದಿವಾಣ, ಪಾಂಡುರಂಗ ನಾಯಕ್, ಸದಾನಂದ ಬಂಗೇರ ಮುಡಿಪು, ಸುರೇಶ್ ಬಂಗೇರ, ದಾಮೋದರ ಸಾಲ್ಯಾನ್ ಸಂಚಯಗಿರಿ, ಜನಾರ್ದನ ಕುಲಾಲ್, ಕಿರಣ್ ಅಟ್ಲೂರ್, ಸದಾಶಿವ ಕುಲಾಲ್, ಸಿ. ಮುತ್ತಪ್ಪ ಪೂಜಾರಿ, ಕೇಶವ ಮಾಸ್ಟರ್ ಮಾರ್ನಬೈಲ್, ಪ್ರದೀಪ್ ಅತ್ತಾವರ್, ಎ. ಶಿವಪ್ಪ ಬಿ.ಸಿ.ರೋಡು ಇತ್ತೆರ್. ಉಮೇಶ್ ಪಿ.ಕೆ. ಎದ್ಕೊನಿಯೆರ್. ದಾಮೋದರ್ ಬಿ. ಎಂ. ಸೊಲ್ಮೆ ಸಂದಾಯೆರ್.
ಮುಲ್ಕಿ: ಚುಟುಕು ಸಾಹಿತ್ಯ ಬದ್ ಕ್ ಗ್ ಒಂಜಿ ಗುರಿ ದೀವೊಂದು ಈ ಕ್ಷೇತ್ರನ್ ಸಂಘಟನಾತ್ಮಕವಾದ್ ಮಲ್ಲ ಮಲ್ಪೊಡು ಪನ್ಪುನ ಉದ್ದೇಶ ದೀದ್ ದಕ್ಷಿಣ ಕನ್ನಡ ಜಿಲ್ಲಾ ಚುಟುಕು ಸಾಹಿತ್ಯ ಪರಿಷತ್ತ್ ಪ್ರತೀ ತಾಲೂಕ್ ಡ್ ಉಮೇದ್ ಇಪ್ಪುನಕ್ಲೆನ್ ಒಟ್ಟು ಮಲ್ತ್ ದ್, ಬುಲೆಪಾವುನ ಪ್ರಯತ್ನನ್ ಪೊಸತಾದ್ ಅಸ್ತಿತ್ವಗ್ ಕನದ್ಂಡ್.
ಅತ್ತಂದೆ ಮುಲ್ಕಿ ತಾಲೂಕ್ ಚುಟುಕು ಸಾಹಿತ್ಯ ಪರಿಷತ್ತ್ ತನ್ನ ಸದಸ್ಯತ್ವದ ಅಭಿಯಾನನ್ ಸುರು ಮಲ್ದ್ಂಡ್. ಬರ್ಪಿನ ಫೆಬ್ರವರಿಡ್ ಸಾಹಿತ್ಯ ಉಚ್ಚಯನ್ ನಡಪಾವುನ ಮುಖೇನ ಅಧಿಕೃತವಾದ್ ಉಂದು ಕಾರ್ಯೊಗು ಬರ್ಪುಂಡು. ಅಂಚಾದ್ ನೆತ್ತ ಸದಸ್ಯೆರಾಪಿನಕುಲು ನೇರವಾದ್ ಒವ್ವೇ ಕಾಸ್ ಇಜ್ಜಂದೆ ಆವೊಲಿ. ಅಂಚನೆ ನೆಟ್ಟ್ ಇಪ್ಪುನಕುಲು ತನ್ನ ಪೊಲಬುನು ನರೇಂದ್ರ ಕೆರೆಕಾಡ್, ಅಧ್ಯಕ್ಷೆರ್ ಚುಟುಕು ಸಾಹಿತ್ಯ ಪರಿಷತ್ ಮೂಲ್ಕಿ ತಾಲೂಕ್ “ನಮ್ಮನೆ” ಕೆರೆಕಾಡ್, ಅಂಚೆ : ಕೆಂಚನಕೆರೆ, ಮೂಲ್ಕಿ-574154 ಅತ್ತಂಡ ಪೋನ್ ನಂ/ವಾಟ್ಸಾಪ್ಡ್ (9663393374) ತೆರಿಪಾವೊಲಿ ಪಂದ್ ಪ್ರಕಟಣೆಡ್ ತೆರಿಪಾದೆರ್.
ನೈಜೀರಿಯಾ: ನಿಲ್ದಾಣಡ್ ರೈಲ್ ಗ್ ಕಾತೊಂದು ಇತ್ತಿನ 30 ಜನನ್ ಪುಂಡೆರ್ ನ ಗುಂಪು ಕಿಡ್ನಾಪು ಮಲ್ತಿನ ಘಟನೆ ದಕ್ಷಿಣ ನೈಜಿರೀಯಾದ ಎಡೋಡ್ ನಡತ್ಂಡ್.
ಈ ಗುಂಪು ಶಸ್ತ್ರಲೆನ್ ಪತೊಂದು ಜನಕ್ ಪೋಡಿಗೆ ಪುಟ್ಟಾವೊಂದು ಉಲ್ಲೆರ್. ಅವ್ವತ್ತಂದೆ ಇತ್ತೆ ಕಿಡ್ನಾಪ್ ಆಯಿನ 30 ಜನತ ಬಗ್ಗೆ ಒವ್ವೇ ಮಾಹಿತಿ ಇಜ್ಜಿ.
30 persons kidnapped from a railway station in south Nigeria
Nigeria: A group of miscreants kidnapped 30 persons waiting for trains from a railway station in south Nigeria.
They threatened the people using arms and weapons and as of now there is no information about the whereabouts of the kidnapped people.
ಕುಡ್ಲ: ಬಿಗ್ ಬಾಸ್ ಪಂತೊಡು ಗೆಂದಿನ ಬೊಕ್ಕ ಸುರುತ ಸರ್ತಿ ಕುಡ್ಲಗ್ ಬತ್ತಿನ ರೂಪೇಶ್ ಶೆಟ್ಟಿ ಕೊರಗಜ್ಜನ ಸನ್ನಿಧಿಗ್ ಭೇಟಿ ಕೊರ್ದು ಪ್ರಾರ್ತನೆ ಸಂದಾಯೆರ್.
ಬೊಕ್ಕ ತನ್ನ ಯಶಸ್ಸ್ ಗ್ ಕೊರಗಜ್ಜನ ಕೃಪೆಲ ಕಾರಣ ಪಂದ್ ಪಂಡೆರ್. ಮೆರೆನ್ ಅಭಿಮಾನಿಲು ಇಮಾನ ನಿಲ್ದಾಣಡ್ ಎದ್ಕೊನಿಯೆರ್. ನನ ಮೇರ್ ಸುಮಾರ್ ಲೇಸ್ ಡ್ ಪಾಲ್ ಪಡೆಯರೆ ಉಲ್ಲೆರ್.
