ಮುಲ್ಕಿ : ರಾಜ್ಯಡ್ ಆಡಳಿತಡ್ ಇಪ್ಪುನ ಬಿಜೆಪಿ ಸರಕಾರ ಚುನಾವಣೆ ಆಯೋಗನ್ ದುರ್ಬಳಕೆ ಮಲ್ತೊಂದು ಮತದಾರೆರೆನ ಪಟ್ಟಿನ್ ಅಕ್ರಮವಾದ್ ಪರಿಷ್ಕರಣೆ ಮಲ್ತಿನ ಧೋರಣೆನೆನ್ ವಿರೋಧ ಮಲ್ತ್ ದ್, ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಸಮಿತಿದ ವತಿರ್ದ್ ಮುಲ್ಕಿ ತಹಶೀಲ್ದಾರ್ ಕಚೇರಿ ಎದುರು ಪ್ರತಿಭಟನೆ ನಡತ್ಂಡ್.
ಪ್ರತಿಭಟನೆಡ್ ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿ ಮಿಥುನ್ ರೈ ಪಾತೆರ್ದ್, ರಾಜ್ಯ ಬಿಜೆಪಿ ಸರ್ಕಾರ ಚಿಲುಮೆ ಪನ್ಪುನ ಸಂಸ್ಥೆಗ್ ಮತದಾರೆರೆನ ಪಟ್ಟಿ ಪರಿಷ್ಕರಣೆ ಮಲ್ಪೆರೆ ಗುತ್ತಿಗೆ ಕೊರ್ತುಂಡು. ಸುಮಾರ್ 7.5 ಲಕ್ಷ ಮತದಾರೆರೆನ ಪುದರ್ ನಾಪತ್ತೆ ಆತ್ಂಡ್. ಬಿಜೆಪಿ ಸರಕಾರ ಉಗ್ರೆರ್ ಮಲ್ಪುನ ಬೇಲೆನ್ ಮಲ್ತೊಂದು ಉಂಡು. ಮುಲ್ಕಿ ಬೆದ್ರ ಕ್ಷೇತ್ರಡ್ ಇಂಚಿನ ಅಕ್ರಮನ್ ಎಂಕುಲು ಸಹಿಸೊನುಜ. ಈ ಬಗೆಟ್ ಇಡೀ ಜಿಲ್ಲೆಡ್ ಪ್ರತಿಭಟನೆ ಅಟ್ಟಣೆ ಮಲ್ದ. ಈ ಬಗೆಟ್ ಮುಲ್ಕಿದ ತಹಶೀಲ್ದಾರ್ ಕೂಡ್ಲೆ ಪರಿಶೀಲನೆ ಮಲ್ತ್ ದ್ ಪಾರದರ್ಶಕವಾದ್ ಮಾತೆರ್ಲ ಬೋಟು ಪಾಡುನ ಹಕ್ಕ್ ಚಲಾಯಿಸೊಡು ಪಂದ್ ಚುನಾವಣೆ ಆಯೋಗ ಬೊಕ್ಕ ಸಂಬಂಧ ಪಟ್ಟಿನ ಆಡಳಿತ ಮಲ್ಪೊಡು ಪಂದ್ ಪಂಡೆರ್. ಬೊಕ್ಕ ಉಪ ತಹಶೀಲ್ದಾರ್ ದಿಲೀಪ್ ರೋಡ್ಕರ್ ಗ್ ಬಿನ್ನಾಪು ಸಂದಾಯೆರ್. ಈ ಪೊರ್ತುಡು ಕೆಪಿಸಿಸಿ ಕೋ ಆರ್ಡಿನೇಟರ್ ವಸಂತ್ ಬೆರ್ನಾಡ್, ಮುಲ್ಕಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷೆರ್ ಮೋಹನ್ ಕೋಟ್ಯಾನ್ ಪುತ್ತು ಬಾವ, ಪ್ರತಿಭಟನೆಡ್ ಪಾಲ್ ಪಡೆಯೆರ್.
pallavi shetty