ಕಡಂದಲೆ: ಇನಿ ನ.21 ಸೋಮಾರ ಬೊಲ್ಪುಗು ಕಡಂದಲೆದ ಗಣೇಶ್ ದರ್ಶನ್ ಸಭಾಭವನಡ್ ಶ್ರೀ ಕ್ಷೇತ್ರ ಧ. ಗ್ರಾ. ಯೋಜನೆದ ಜ್ಞಾನವಿಕಾಸ ಲೇಸ್ ದ ಅಡಿಟ್ ಸ್ವ-ಸಹಾಯ ಸಂಘದ ಪೊಂಜೋವ್ ನಕ್ಲೆಗ್ ಬೊಕ್ಕ ಸದಸ್ಯೆರೆಗ್ ಸಿರಿಧಾನ್ಯ ಗಲಸುನ ಮಾಹಿತಿ ಕಾರ್ಯಾಗಾರ ನಡತ್ಂಡ್.
ನೆತ್ತ ಉದಿಪನನ್ ಹಾಲು ಉತ್ಪಾದಕರ ಒಕ್ಕೂಟದ ಜಿಲ್ಲಾಧ್ಯಕ್ಷೆರ್ ಕೆ.ಪಿ ಸುಚರಿತ್ ಶೆಟ್ಟಿ ಮಲ್ತೆರ್. ಪಾಲಡ್ಕ ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ದಿನೇಶ್ ಕಾಂಗ್ಲಾಯ್ ಅಧ್ಯಕ್ಷತೆ ಒಯಿಸ್ ದಿತ್ತೆರ್. ಸಂಪಿಗೆ ವಲಯದ ವಲಯಾಧ್ಯಕ್ಷೆರ್ ಜಗದೀಶ್ ಕೋಟ್ಯಾನ್, ಕಲ್ಲೋಳಿ ಒಕ್ಕೂಟದ ಅಧ್ಯಕ್ಷೆರ್ ಬೇಬಿ, ಕಲ್ಲೋಳಿ ಎಸ್ ಪಿ ಮಾಲತಿ, ಸಹಾಯಕಿ ಆಶಾ ಜಯಕುಮಾರ್, ಸಿಎಸ್ ಸಿ ಕೇಂದ್ರದ ಕೀರ್ತಿಕಾ ಲೇಸ್ ಡ್ ಪಾಲ್ ಪಡೆತೆರ್. ಕಡಂದಲೆ ಆರೋಗ್ಯ ಕೇಂದ್ರದ ಸಾಗರ್ ಮೇರ್, ರೋಗರ್ದ್ ದೂರ ಇಪ್ಪರೆ ಸಿರಿಧಾನ್ಯದ ಉಪಯೋಗ ಮಲ್ಪುನ ಬಗೆಟ್ಟ್ ಸಮಗ್ರ ಮಾಹಿತಿ ಕೊರಿಯೆರ್. ಜ್ಞಾನ ವಿಕಾಸದ ಸಮನ್ವಯ ಅಧಿಕಾರಿ ವಿದ್ಯಾ ಎದ್ಕೊಂದು ನಿರೂಪಣೆ ಮಲ್ತೆರ್. ಸ್ವಾಗತ ಸೇವಾ ಪ್ರತಿನಿಧಿ ಮಾಲತಿ ಕೇಂದ್ರದ ಸದಸ್ಯೆರ್ ಪದ್ಮಾವತಿ ಸೊಲ್ಮೆ ಸಂದಾಯೆರ್.
ವರದಿ: ಜಗದೀಶ್ ಪೂಜಾರಿ,ಬೆದ್ರ
Editorial