ಶ್ರೀ ದೈವರಾಜ ಬಬ್ಬುಸ್ವಾಮಿ ಭಕ್ತೆರ್ ಕೂಟದ ಮುಖೇನ ಸಮಾಜ ಸೇವೆ

ಶ್ರೀ ದೈವರಾಜ ಬಬ್ಬುಸ್ವಾಮಿ ಭಕ್ತೆರ್ ಪನ್ಪುನ ತಂಡದ ಮುಖೇನ ಸಮಾಜ ಸೇವಾ ಮನೋಭಾವದ ಜವನೆರ್ನ ಕೂಟದಕುಲು ಶ್ರೀ ಬಬ್ಬುಸ್ವಾಮಿನ ಪುದರ್ ಡ್ ಸಮಾಜಮುಖಿ ಸೇವೆ ಮಲ್ಪರೆ ಪಿದಾಡ್ದೆರ್.

ನೆಕ್ಕಾದ್ ಎಡ್ಡೆ ಉಡಲ್ ದ ದಾನಿಲೆಡ ಪ್ರತಿ ದಿನಕ್ 1/- ರೂ. ಇಜ್ಜಿಂಡ ತಿಂಗೊಲ್ ಗ್ 30/- ರೂ.ದ ಲೆಕ್ಕ ದೆತೊಂದು, ಪ್ರತಿ ತಿಂಗೊಲ್ದ ಅಕೆರಿಗ್ ಒಟ್ಟಾಯಿನ ಕಾಸ್ ನ್ ಕಷ್ಟಡ್ ಇಪ್ಪುನ ಬಡಪತ್ತ್ ಕುಟುಂಬದಕ್ಲೆಗ್ ಪಣವುದ ಸಕಾಯ ಮಲ್ಪೆರೆ ನಿರ್ಧಾರ ಮಲ್ದ. ನಿಕುಲು ಮಾತ ಈ ಪುಣ್ಯ ಕಾರ್ಯಗ್ ಸಹಕಾರ ಕೊರೊಡು. ಅಂಚನೆ ನಿಕ್ಲೆನ ಸಕಾಯನ್ ಬ್ಯಾಂಕ್ ಅಕೌಂಟ್ ಗ್, ಗೂಗಲ್ ಪೇ, ಫೋನ್ ಪೇ ಇಜ್ಜಿಂಡ ಒವ್ವೇ ಯುಪಿಐ ವ್ಯವಹಾರದ ಮುಖೇನ ಕಾಸ್ ಕೊರೊಲಿ ಪಂದ್ ಶ್ರೀ ದೈವರಾಜ ಬಬ್ಬುಸ್ವಾಮಿ ಭಕ್ತೆರ್ ತಂಡದ ಅಧ್ಯಕ್ಷೆರ್ ರವಿ ಪಂಪ್ ವೆಲ್, ಕಾರ್ಯದರ್ಶಿ ಶ್ರೀಧರ ನಾಯ್ಕ ಮಾಣಿ, ಜೊತೆ ಕಾರ್ಯದರ್ಶಿ ರೇಷ್ಮಪೂಜಾರಿ ಲೆಪ್ಪೋಲೆಡ್ ತೆರಿಪಾದೆರ್.