ಕುತ್ತಾರು, ಕಲ್ಲಾಪು ಕೊರಗಜ್ಜ ಆದಿಜಾಗೆಗ್ ಬೇಟಿ ಕೊರಿನ ಕಾಂತಾರ ನಟಿ ಸಪ್ತಮಿ ಗೌಡ

“ಕಾಂತಾರ ಪಿಚ್ಚರ್‌ರ್ದ್ ಬೊಕ್ಕ ದೈವದ ಮಿತ್ತ್ ನಂಬಿಕೆ ಎಚ್ಚ ಆತ್ಂಡ್. ಕೊರಗಜ್ಜನ ಬಗೆಟ್ಟ್ ಕೇಂದ್ ತೆರಿದಿತ್ತೆ. ಈ ಸಾನಿಧ್ಯನ್ ತೂಯರೆ ಬೈದೆ. ಅಜ್ಜನ ದಯೆರ್ದ್ ನನಾತ್ ಪಿಚ್ಚರ್ ತಿಕ್ಕಡ್ ಪಂದ್ ಪ್ರಾರ್ಥನೆ ಮಲ್ತ್‌ದೆ. ಕಾಂತಾರ ಪಿಚ್ಚರ್ 50 ದಿನ ದಾಟಿನವು ದೈವದ ಕೃಪೆರ್ದ್ “” ಪಂದ್ ಕಾಂತಾರ ಪಿಚ್ಚರ್‌ದ ನಾಯಕ ನಟಿ ಸಪ್ತಮಿ ಪಂಡೆರ್.

ಆರ್ ಕಲ್ಲಾಪು ಬುರ್ದುಗೋಳಿ ಕೊರಗಜ್ಜನ ಆದಿಜಾಗೆಗ್ ಅಂಚನೆ ಕುತ್ತಾರು ಕೊರಗಜ್ಜನ ಆದಿಜಾಗೆಗ್ ಭೇಟಿ ಕೊರ್ದ್ ಪಾತೆರಿಯೆರ್.

ಈ ಪೊರ್ತುಡು ಕಾಂತಾರ ಪಿಚ್ಚರ್‌ದ ನಟಿ ಗುರು ಸನಿಲ್, ಕದ್ರಿ ಕ್ರಿಕೆಟರ್ಸ್ ಅಧ್ಯಕ್ಷೆರ್ ಜಗದೀಶ್ ಕದ್ರಿ, ಸಪ್ತಮಿ ಮೆರೆನ ಅಪ್ಪೆ ಶಾಂತಾ ಯು., ಕಲ್ಲಾಪು ಬುರ್ದುಗೋಳಿ ಕೊರಗಜ್ಜ ಸ್ಥಾನದ ವ್ಯವಸ್ಥಾಪನಾ ಸಮಿತಿದ ವಿಶ್ವನಾಥ್ ನಾಯಕ್, ಕುತ್ತಾರು ಕೊರಗಜ್ಜನ ತಳದ ದೇವಿಪ್ರಸಾದ್ ಶೆಟ್ಟಿ, ಸಾಯಿ ಪರಿವಾರ್ ಟ್ರಸ್ಟಿಲು ಆಯಿನ ಪುರುಷೋತ್ತಮ್ ಕಲ್ಲಾಪು, ಸಂತೋಷ್ ಅಂಬ್ಲಮೊಗರು, ಪ್ರವೀಣ್ ಎಸ್. ಕುಂಪಲ, ಕಿಶೋರ್ ಡಿ.ಕೆ., ಪುರುಷೋತ್ತಮ್ ಶೆಟ್ಟಿ, ಪ್ರಶಾಂತ್, ಲೇಸ್‌ಡ್ ಇತ್ತೆರ್.

ವರದಿ: ಸಂತೋಷ್ ಅಂಬ್ಲಮೊಗರು