ಬಯ್ಯ 7.30 ರ್ದ್ ಬೊಕ್ಕಲ ಸ್ಟೂಡೆಂಟ್ ಬಸ್ ಪಾಸ್ ಆಪುಂಡು: ಬಿಎಂಟಿಸಿ

ಬೆಂಗ್ಲೂರ್: ವಿದ್ಯಾರ್ಥಿಲೆನ ಬಿಎಂಟಿಸಿ ಪಾಸ್ ಬಯ್ಯಗ್ 7.30 ರ್ದ್ ಬೊಕ್ಕ ಆಪುಜಿ ಪಂದ್ ಕಂಡಕ್ಟರ್ ಟಿಕೆಟ್ ಕೊರ್ಯೆರೆ ಬಲ್ಲಿ ಪಂದ್ ಬಿಎಂಟಿಸಿ ಸೂಚನೆ ಕೊರ್ತುಂಡು.

ವಿದ್ಯಾರ್ಥಿಲು ಬಯ್ಯಗ್ 7.30ರ್ದ್ ಬೊಕ್ಕ ಬಿಎಂಟಿಸಿ ಬಸ್ಸ್ ಟ್ ಪೋಯೆರೆ ಇಜ್ಜಿ ಪಂದ್ ಬಸ್​ ಕಂಡಕ್ಟರ್ ಟಿಕೆಟ್ ಕೊರೊಂದು ಇತ್ತೆರ್. ನೇರ್ದಾವೆರ ವಿದ್ಯಾರ್ಥಿಲೆಗ್ ತೊಂದರೆ ಆವೊಂದು ಇತ್ತ್ಂಡ್. ಇಂಚಾದ್ ವಿದ್ಯಾರ್ಥಿಲು ಬಿಎಂಟಿಸಿ ಕಚೇರಿಗ್ ದೂರು ಸಂದಾಯೆರ್. ವಿದ್ಯಾರ್ಥಿಲೆನ ಈ ದೂರು ಪರಿಶೀಲನೆ ಮಲ್ತಿನ ಬಿಎಂಟಿಸಿ, ವಿದ್ಯಾರ್ಥಿಲು ಪಾಸ್ ಪತೊಂದು, ವಾ ಸಮಯಡ್ ಬೋಡಾಂಡಲ ಪೋವೊಲಿ ಪಂದ್ ಆದೇಶ ಕೊರ್ತುಂಡು.