ಮುರುಘಾ ಮಠತ್ತ ಫೋಟೋ ದೆಪ್ಪಾಯಿನ ಕೇಸ್: ಮಾಜಿ ಆಡಳಿತಾಧಿಕಾರಿ ಬಸವರಾಜನ್ ಅರೆಸ್ಟ್

ಚಿತ್ರದುರ್ಗ: ಶಿವಮೂರ್ತಿ ಮುರುಘಾ ಶರಣರೆನ ಫೋಟೊ ದೆಪ್ಪಾಯಿನ ಕೇಸ್ ಗ್ ಸಂಬಂಧ ಪಟ್ಟಿನಂಚನೆ ಮಠದ ಮಾಜಿ ಆಡಳಿತಾಧಿಕಾರಿ ಎಸ್.ಕೆ.ಬಸವರಾಜನ್ ನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.

ಈ ಕೇಸ್ ಡ್ ಅರೆಸ್ಟ್ ಆದಿತ್ತಿನ ಹೊಸಹಳ್ಳಿ ಗ್ರಾಮ ಪಂಚಾಯತಿ ಮಾಜಿ ಸದಸ್ಯೆರ್ ಮೋಹನಮೂರ್ತಿ ಬೊಕ್ಕ ಡಿಪ್ಲೊಮಾ ಕಾಲೇಜ್ ಉಪನ್ಯಾಸಕೆರ್ ಶಿವಾನಂದಸ್ವಾಮಿ ಕೊರ್ನ ಹೇಳಿಕೆದ ಪ್ರಕಾರ ಪೊಲೀಸೆರ್ ಬಸವರಾಜನ್ ನ್ ವಶಕ್ ದೆತ್ತೊಂದು, ವಿಚಾರಣೆ ನಡಪಾದೆರ್. ಮಠಕ್ ಗಣ್ಯೆರ್ ಭೇಟಿ ಕೊರ್ನ ಪೊರ್ತುಡು ಮುರುಘಾ ಶರಣೆರ್ ದೆಪ್ಪಾದಿನ ಫೋಟೊಲೆನ್ ಮುರುಘಾ ಮಠತ್ತ ರಾಜಾಂಗಣಡ್ ಇತ್ತಿನ ಶಿವಮೂರ್ತಿ ಮುರುಘಾ ಶರಣೆರೆನ 47 ಫೋಟೊಲು ಅ.6ದಾನಿ ಕಂಡ್ ದ್ ಪೋದು ಇತ್ಂಡ್. ಈ ಫೋಟೊ ದೆಪ್ಪೆರೆ ಬಸವರಾಜನ್ ಪ್ರಚೋದನೆ ಮಲ್ದೆರ್ ಪನ್ಪುನ ಆರೋಪದ ಮಿತ್ತ್ ಅರೆಸ್ಟ್ ಮಲ್ದೆರ್. ಈ ಕೇಸ್ ದ ಬಗೆಟ್ ಬಸವರಾಜನ್ ನ ಬೊಡೆದಿ ಸೌಭಾಗ್ಯ ಮೆರೆನ್ಲಾ ವಿಚಾರಣೆ ನಡಪಾದೆರ್.