ಕುಡ್ಲ: ಕುಡ್ಲ ಪುರಭವನದ ಕೈತಲ್ ತೋಜಿನ ಒರಿ ಗತಿಗೋತ್ರ ದಾಂತಿನ ವ್ಯಕ್ತಿನ ಪುಣನ್ ವೈದ್ಯಕೀಯ ಸಿಬ್ಬಂದಿಲೆನ್ ಕಾಪಂದೆ, ಸಹೋದ್ಯೋಗಿಲೆನ ಸಕಾಯರ್ದ್ ಪುನನ್ ವೆನ್ಲಾಕ್ ಆಸ್ಪತ್ರೆಗ್ ಸಾಗಾದ್ ಮಾನವೀಯತೆ ತೋಜಾಯಿನ ಪೊಲೀಸ್ ಕಾನ್ಸ್ಟೇಬಲ್ ಸಂಪತ್ ಬಂಗೇರ ಮೆರೆಗ್ ಇನಿ ಪೊಲೀಸ್ ಆಯುಕ್ತೆರೆನ ಕಚೇರಿಡ್ ಪ್ರಶಂಸನಾ ಪತ್ರ ಕೊರ್ದು ಗೌರವಿಸಾಯೆರ್.
ಮೆರೆನ ಬೇಲೆನ್ ಮೆಚ್ಚಿನ ಪೊಲೀಸ್ ಆಯುಕ್ತೆರ್ ಎನ್ ಶಶಿಕುಮಾರ್, ಉಂದುವೇ ರೀತಿ ನಿರಂತರವಾದ್ ಸಾರ್ವಜನಿಕ ಸೇವೆಡ್ ಪಾಲ್ ಪಡೆಲೆ, ಇರೆನ ಕರ್ತವ್ಯ ಪ್ರಜ್ಞೆ ಬೇತೆ ಅಕುಲೆಗ್ ಮಾದರಿ ಆವಡ್ ಪಂದ್ ಪಂಡೆರ್. ಈ ಪೊರ್ತುಡು ಡಿಸಿಪಿ ಅಂಶುಕುಮಾರ್ ಇತ್ತೆರ್.
pallavi shetty