ಮುಲ್ಕಿ: ಕಿನ್ನಿಗೋಳಿ ಕೈತಲ್ ದ ಐಕಳ ಬಾವ ಕಾಂತಾಬಾರೆ ಬೂದಾಬಾರೆ ಕಂಬುಲ ಫೆಬ್ರವರಿ 4 ಕ್ ನಡಪರೆ ಉಂಡು.
ಈ ಸರ್ತಿ ಗ್ರಾಮಸ್ಥೆರೆನ, ಸಂಘ ಸಂಸ್ಥೆಲೆನ ಸಹಕಾರ ಬೋಡು, ಕಂಬುಲದ ಅಟ್ಟಣೆಗಾದ್ ಈ ಸರ್ತಿ ಕ್ರೀಡೋತ್ಸವ ನಡಪರೆ ಉಂಡು ಪಂದ್ ಐಕಳ ಬಾವ ಕಾಂತಾಬಾರೆ ಬೂದಾಬಾರೆ ಕಂಬುಲ ಸಮಿತಿದ ಅಧ್ಯಕ್ಷೆರ್ ಡಾ.ದೇವಿ ಪ್ರಸಾದ್ ಶೆಟ್ಟಿ ಮೇರ್ ಐಕಳ ಬಾವಡ್ ನಡತಿನ ಐಕಳ ಕಂಬುಲದ ಅಟ್ಟಣೆ ಸಭೆಟ್ ಪಂಡೆರ್. ಉಂದುವೇ ಪೊರ್ತುಡು ಕರ್ನಾಟಕ ರಾಜ್ಯ ಸಹಕಾರ ಮಾರಾಟ ಮಹಾ ಮಂಡಲದ ನಿರ್ದೇಶಕೆರಾದ್ ಆಯ್ಕೆ ಆಯಿನ ಸಮಿತಿ ಸದಸ್ಯೆರ್ ದೇವಿಪ್ರಸಾದ್ ಶೆಟ್ಟಿ ಮೆರೆನ್ ಸಮಿತಿ ವತಿರ್ದ್ ಗೌರವಿಸಾಯೆರ್.
ಈ ಪೊರ್ತುಡು ಸಮಿತಿದ ಚಿತ್ತರಂಜನ್ ಭಂಡಾರಿ, ಮುರಳೀಧರ ಶೆಟ್ಟಿ, ಪ್ರಕಾಶ್ ಶೆಟ್ಟಿ ಪಡುಬಿದ್ರೆ, ಕೃಷ್ಣ ಮಾರ್ಲ, ಸ್ವರಾಜ್ ಶೆಟ್ಟಿ, ಶರತ್ ಶೆಟ್ಟಿ, ಸಾಯಿನಾಥ ಶೆಟ್ಟಿ, ಯೋಗೀಶ್ ರಾವ್, ದಯೇಶ್ ಐಕಳ, ಲೀಲಾಧರ ಶೆಟ್ಟಿ, ರಘುರಾಮ ಶೆಟ್ಟಿ, ಸುಧಾಮ ಶೆಟ್ಟಿ ಇತ್ತೆರ್.
pallavi shetty