ಗದಗ: ದೇವಲ್ಯಡ್ ಕೊರ್ಪುನ ತೀರ್ತ ಪರ್ಪುನೆರ್ದ್ ಸೀಕ್ ಬರ್ಪುಂಡು. ತೀರ್ಥ ಕೊರ್ಪುನಕುಲು ಸರಿಯಾದ್ ಕೈ ದೆಕ್ಕ್ ದ್ ಇಪ್ಪುಜೆರ್. ನೇರ್ದಾವೆರ ಏತೋ ಜನ ಕಕ್ಕ್ ದೆರ್ ಪಂದ್ ಮಾಜಿ ಸಚಿವೆ ಬಿ.ಟಿ. ಲಲಿತಾ ನಾಯಕ್ ಪಂಡೆರ್.
ಮಾತೆರ್ನಲ ಇಲ್ಲಲ್ ಲ ನೀರ್ ಉಂಡು. ಅಂಚ ಇಪ್ಪುನಗ ತೀರ್ಥ ದಾಯೆಗ್ ಪರೋಡು, ಪುನ ಪೊತ್ತಾದ್ ಗಂಗಾ ತುದೆಕ್ ದಕ್ಕುವೆರ್, ನೇರ್ದಾವೆರ ತುದೆಟ್ ಪುನೊಕ್ಕುಲು ನೀಂದೊಂದು ಬರ್ಪ. ಇಂಚಿನ ನೀರ್ ನ್ ಗಂಗಾ ನೀರ್ ಪಂದ್ ದಾಯೆ ಪರೋಡು ಪಂದ್ ಮೇರ್ ಪ್ರಶ್ನೆ ಮಲ್ದೆರ್.
ತೋಜಂದಿನ ದೇವೆರೆಗ್ ಪೂಜೆ ಮಲ್ಪುನೆರ್ದ್ ಪೂ, ತುತ್ತೈತ ದಾಯೆ ಪಾಡೊಡು. ದೇವಲ್ಯಡ್ ಯೆರಾ ಪಂಡೆರ್ ಪಂದ್ ದುಡ್ಡು ಪಾಡುವೆರ್. ಇಂಚ ಜನಕುಲು ಅನಗತ್ಯ ದುಡ್ಡು ವೇಸ್ಟ್‌ ಮಲ್ಪರೆ ಬಲ್ಲಿ. ಆಂಡ ಇತ್ತೆ ಜನಕುಲೆಗ್ಲಾ ತಿಳುವಳಿಕೆ ಬತ್ತ್ ದ್ ಎಚ್ಚಿನಕುಲು ದೇವಲ್ಯಡ್ ದುಡ್ಡು ಪಾಡೊಂದು ಇಜ್ಜೆರ್ ಪಂದ್ ಪಂಡೆರ್. ಪೂಜೆ ಪಂಡ ಶರೀರ, ಮನಸ್ಸ್ ನ್ ಶುದ್ಧಡ್ ದೀಪುನವು, ನೆನ್ ಸರ್ಕಾರಲು, ಸಂಘಸಂಸ್ಥೆಲು ಜನಕುಲೆಗ್ ಮನವರಿಕೆ ಮಲ್ತ್ ದ್ ಕೊರೊಡು ಪಂದ್ ತನ್ನ ಅಭಿಪ್ರಾಯನ್ ತೆರಿಪಾದೆರ್.
Editorial