ಕಡಬ: ನೀರ್ ನ್ ಬುಡ್ದು ಮಾರ್ಗಗ್ ಬತ್ತಿನ ಮುದಲೆನ್ ಅರಣ್ಯ ಇಲಾಖೆದ ಸಿಬ್ಬಂದಿಲು ರಕ್ಷಣೆ ಮಲ್ತ್ ದ್ ಬೊಕ್ಕ ನೀರ್ ಗ್ ಬುಡ್ನ ಘಟನೆ ದಕ್ಷಿಣ ಕನ್ನಡ ಜಿಲ್ಲೆದ ಕಡಬ ತಾಲೂಕ್ ದ ಆಲಂಕಾರ್ ಕೊಂಡಾಡಿಕೊಪ್ಪ ಪ್ರಾಥಮಿಕ ಶಾಲೆದ ಕೈತಲ್ ನಡತ್ಂಡ್.
ಶುಕ್ರಾರ ಬೊಲ್ಪುಗು ಕೊಂಡಾಡಿಕೊಪ್ಪ ಶಾಲೆದ ಕೈತಲ್ ಈ ಮುದಲೆ ಮಾರ್ಗಡ್ ಇತ್ತ್ಂಡ್.
ಉಂದೆನ್ ರಬ್ಬರ್ ಟ್ಯಾಪಿಂಗ್‌ ಬೇಲೆಗ್ ಪೋವೊಂದು ಇತ್ತಿನ ಶೀನಪ್ಪ ಕುಂಬಾರ ಮೇರ್ ತೂದು ಅರಣ್ಯ ಇಲಾಖೆಗ್ ತೆರಿಪಾದೆರ್. ಅರಣ್ಯ ಇಲಾಖೆದ ಸಿಬಂದಿಲಾಯಿನ ಬಾಲಚಂದ್ರ ಗೌಡ ಬೊಕ್ಕ ರವಿಕುಮಾರ್ ಕೂಡ್ಲೆ ಜಾಗೆಗ್ ಬತ್ತ್ ದ್, ಸ್ಥಳೀಯೆರಾಯಿನ ಶೀನಪ್ಪ ಕುಂಬಾರ, ಕಿರಣ್ ಕೊಂಡಾಡಿ ಬೊಕ್ಕ ಧರ್ಮಸ್ಥಳ ಶೌರ್ಯ ಟೀಮ್ ದ ಕಾರ್ಯಕರ್ತೆರಾಯಿನ ಹರೀಶ್, ವಿನೋದ್ ಸೇರ್ದ್ ಮುದಲೆನ್ ಪತ್ತ್ ದ್ ಕುಮಾರಧಾರೆ ತುದೆಕ್ ಬುಡಿಯೆರ್.
Editorial