ಕಾಸ್ರೋಡು: ದೇವಲ್ಯದ ಬಂಗಾರ್ ಕಂಡ್‌ದ್ ಪದ್ರಾಡ್ ಪಾಡಿನ ಪೂಜೆದ ಬಟ್ರ್..!

ಕಾಸ್ರೋಡು: ದೇವಲ್ಯಡ್ ಒರಿ ಪೂಜೆದ ಬಟ್ರ್ ಬಂಗಾರ್ ಕಂಡ್‌ದ್ ಪದ್ರಾಡ್ ಪಾಡ್ದಿನ ಸಂಗತಿ ಮಂಜೇಶ್ವರ ಹೊಸಬೆಟ್ಟು ಶ್ರೀಮಂಗೇಶ ಮಹಾಲಕ್ಷ್ಮಿ ದೇವಲ್ಯಡ್ ನಡತ್ಂಡ್.

ಅರ್ಚಕೆರ್ ಆಯಿನ ತಿರುವನಂತಪುರತ್ತ ದೀಪಕ್ ನಂಬೂದರಿ ಪನ್ಪಿನಾರೆನ ಮಿತ್ತ್ ಮಂಜೇಶ್ವರ ಠಾಣಾ ಪೊಲೀಸೆರ್ ಪ್ರಕರಣ ದಾಖಲ್ ಮಲ್ತ್‌ದೆರ್. ಕೋಡೆ ಬಯ್ಯದ ಪೊರ್ತುಡು ದೇವೆರ್‍ನ ಪೂಜೆ ಮಲ್ತಿಬೊಕ್ಕ ಮೂರ್ತಿದ ಬಂಗಾರ್ ಕಂಡ್‌ದ್ ನಕಲಿ ಬಂಗಾರ್‌ನ್ ಪಾಡ್‌ದ್ ಪದ್ರಾಡ್ ಆತೆರ್ ಪನ್ಪಿನ ಆರೋಪ ಅರೆನ ಮಿತ್ತ್ ಬೈದ್ಂಡ್.