ಸುಳ್ಯ: ತಿಗಲೆ ಬೇನೆಡ್ 7ವರ್ಷದ ಆನ್ ಒರಿ ತೀರ್ ಪೋಯಿನ ಘಟನೆ ಕುಂಟಿಕಾನಡ್ ನಡತ್ಂಡ್.
ಅಮರಮುಡ್ನೂರ್ ಗ್ರಾಮದ ಕುಕ್ಕುಜಡ್ಕ ಸ.ಹಿ.ಪ್ರಾ. ಶಾಲೆದ 2 ನೇ ಕ್ಲಾಸ್ ದ ವಿದ್ಯಾರ್ಥಿ ಕುಂಟಿಕಾನದ ಮೋಕ್ಷಿತ್ ಕೆ.ಸಿ. (7) ತೀರ್ ಪೋಯಿನಾರ್. ಮೇರ್ ಏಪಲದಲೆಕ್ಕನೆ ಶಾಲೆಗ್ ಬತ್ತ್ ದ್, ರಾಜ್ಯೋತ್ಸವ ಲೇಸ್ ಡ್ ಪಾಲ್ ಪಡೆತೆರ್. ಮಧ್ಯಾಹ್ನದ ಪೊರ್ತುಡು ಒಂತೆ ಜ್ವರ ಇತ್ಂಡ್ ಪಂದ್ ಶಿಕ್ಷಕೆರ್ ಇಲ್ಲಗ್ ತೆರಿಪಾದೆರ್. ವಿಷಯ ತೆರಿದ್ ಪೊಪ್ಪ ಚಂದ್ರಶೇಖರ ಆಚಾರ್ಯ ಶಾಲೆಗ್ ಬತ್ತಿನ ಪೊರ್ತುಡು ಆನ್ ಉಂತಿನಲ್ಪನೆ ಬೂರ್ದೆರ್, ಕೂಡ್ಲೆ ಸುಳ್ಯದ ಖಾಸಗಿ ಆಸ್ಪತ್ರೆಗ್ ಲೆತೊಂದು ಪೋಯೆರ್. ಆಂಡ ವೈದ್ಯೆರ್ ಪರೀಕ್ಷೆ ಮಲ್ತ್ ದ್ ಆನ್ ತಿಗಲೆ ಬೇನೆಡ್ ತೀರ್ ಪೋಯೆರ್ ಪಂದ್ ತೆರಿಪಾದೆರ್. ಮೆರೆಗ್ ಪೊಪ್ಪ, ಅಮ್ಮ, ಮೆಗ್ಗಿ ಉಲ್ಲೆರ್.
pallavi shetty