ಕಾರ್ಲ : ಸಾಮಾಜಿಕ ವ್ಯವಸ್ಥೆಡ್ ಸಹಬಾಳ್ವೆ ಬೊಕ್ಕ ಸಂಘಟನೆಗ್ ಎಡ್ಡೆ ತಾನೊ ಉಂಡು. ಸಮಾಜದ ವ್ಯಕ್ತಿಲು ಒಂಜಿ ಮುತಾಲಿಕೆದ ಅಡಿಟ್ಟ್ ಸಂಘಟನೆಯಾಂಡ ಅವ್ವೆ ಅಕ್ಲೆನ ಯಶಸ್ಸ್ ದ ಬೀಗದ ಕೈ ಆಪುಂಡು ಪಂದ್ ಜಯ ಕರ್ನಾಟಕ ಜನಪರ ವೇದಿಕೆದ ಜಿಲ್ಲಾಧ್ಯಕ್ಷೆರ್ ಜನನಿ ದಿವಾಕರ ಜೆ ಶೆಟ್ಟಿ ಪಂಡೆರ್.
ಮೇರ್ ನ.1 ಕ್ಕ್ ಕಾರ್ಲ ತಾಲೂಕ್ ದ ಜಯಕರ್ನಾಟಕ ಜನಪರ ವೇದಿಕೆದ ಆಟೋರಿಕ್ಷಾ ಚಾಲಕೆರ್ ಬೊಕ್ಕ ಮಾಲಕೆರ್ ಸಂಘದ ವಾರ್ಷಿಕ ಸಭೆತ್ತ ಅಧ್ಯಕ್ಷತೆ ಒಯಿಸೊಂದು ಪಾತೆರಿಯೆರ್.
ಕಾರ್ಲ ತಾಲೂಕ್ ಆನೆಕೆರೆತ್ತ ಶ್ರೀ ಕೃಷ್ಣ ಕ್ಷೇತ್ರದ ಸಮುದಾಯ ಭವನಡ್ ನಡತಿನ ಲೇಸ್ ನ್ ಬಿಲ್ಲವ ಸಮಾಜ ಸೇವಾ ಸಂಘದ ಅಧ್ಯಕ್ಷೆರ್ ಡಿ.ಆರ್. ರಾಜು ಉದಿಪನ ಮಲ್ತೆರ್. ಸಮಾಜ ಸೇವಕಿ ಅನಿತಾ ಡಿಸೋಜ ಮೆರೆಗ್ ಮಾನಾದಿಗೆ ಅಂಚನೆ ಕಲ್ಪಾರ್ಥಿಲೆಗ್ ಗೌರವ ಧನ ಕೊರ್ಪಿನ ಲೇಸ್ ನಡತ್oಡ್.
ಲೇಸ್ ಡ್ ಮಲ್ಲ ಬಿನ್ನೆರಾದ್ ಜಯ ಕರ್ನಾಟಕ ಜನಪರ ವೇದಿಕೆದ ರಾಜ್ಯ ಮಹಾ ಪ್ರಧಾನ ಸಂಚಾಲಕೆರ್ ಶೆಬೊ ರಾಧಾಕೃಷ್ಣ, ರಾಜ್ಯ ಸಹ ಸಂಚಾಲಕೆರ್ ರಾಮದಾಸ್ ಶೆಟ್ಟಿ, ಜಿಲ್ಲಾ ಕಾರ್ಯಧ್ಯಕ್ಷೆರ್ ಧೀರಜ್ ಶೆಟ್ಟಿ ಇತ್ತೆರ್.
ಪೊಸ ಪದಾಧಿಕಾರಿಲು: ಗೌರವಾಧ್ಯಕ್ಷೆರಾದ್ ಉದಯ ವಿ ಶೆಟ್ಟಿ, ಅಧ್ಯಕ್ಷೆರಾದ್ ಉಮರಬ್ಬ, ಕಾರ್ಯಧ್ಯಕ್ಷೆರಾದ್ ರವಿ ಪೂಜಾರಿ ಆನೆಕೆರೆ, ಸಂಚಾಲಕೆರಾದ್ ನಾಗೇಶ್ ಹೆಗ್ಡೆ, ಕಾರ್ಯದರ್ಶಿ ಆದ್ ಮುರಳಿ, ರಾಜೇಶ್ ಶೆಟ್ಟಿ, ಮೊಕುಲು ಪದಗ್ರಹಣ ಮಲ್ತೆರ್.
ಆನೆಕೆರೆ ನಾಗೇಶ್ ಹೆಗ್ಡೆ ಬತ್ತಿನ ಬಿನ್ನೆರೆನ್ ಎದ್ಕೊoದು ಸೊಲ್ಮೆ ಸಂದೈತ ಮಲ್ತೆರ್. ರತನ್ ಕುಮಾರ್ ಪ್ರಸ್ತಾವಿಕ ಪಾತೆರನ್ ಪಾತೆರಿಯೆರ್. ನಿಖಿತಾ ಪೂಜಾರಿ ಲೇಸ್ ಸುಧಾರಿಕೆ ಮಲ್ತೆರ್.
Editorial