ಉಜಿರೆಡ್ ಓಷನ್ ಪರ್ಲ್ ಲಕ್ಸುರಿ ಹೋಟೆಲ್ ಉದಿಪನ

ಕುಡ್ಲ: ಬಿನ್ನೆರೆನ ಸೇವೆ ಬೊಕ್ಕ ಎಡ್ಡೆ ವನಸ್ ತೆನಸ್ ಡ್ ಪುಗರ್ತೆ ಪಡೆಯಿನ ಹೋಟೆಲ್ ಓಶಿಯನ್ ಪರ್ಲ್ ಉಜಿರೆಡ್ ತನ್ನ ೫ನೇ ಶಾಖೆನ್ ಸುಕ್ರಾರ ಉದಿಪನ ಮಲ್ದ್ಂಡ್.

ಈ ಹೋಟೆಲ್‌ನ್ ಧರ್ಮಸ್ಥಳದ ಹರ್ಷೇಂದ್ರ ಕುಮಾರ್ ತುಡರ್ ಅರ್ಲಾದ್ ಉದಿಪನ ಮಲ್ತೆರ್. ಆಯಿಬೊಕ್ಕ ಪಾತೆರಿನ ಆರ್, “ಧರ್ಮಸ್ಥಳಡ್ ಎಡ್ಡೆ ರೀತಿದ ಹೋಟೆಲ್ ಉಂಡು ಪನ್ಪಿನೆನ್ ಶಶಿಧರ್ ಶೆಟ್ಟಿ ಬರೋಡ ಬೊಕ್ಕ ಜಯರಾಮ್ ಬನಾನ್ ಮೇರ್ ತೋಜಾದ್ ಕೊರ್ತೆರ್. ಸಾಗರರತ್ನ ಹೋಟೆಲ್‌ಲು ಇಡೀ ದೇಶಡೇ ಸ್ಥಾಪನೆ ಆದಿತ್ತ್‌ದ್ ಪುದರೇ ಪನ್ಪಿಲೆಕ್ಕ ಓಷನ್ ಪರ್ಲ್ ಕಡಲ್ದ ಮುತ್ತುದ ಲೆಕ್ಕ ಬುಳೆಯೊಂದು ಇಪ್ಪಡ್ ಪಂದ್ ಪಂಡೆರ್.

ಹೋಟೆಲ್‌ದ ಕಟ್ವಾನನ್ ಶಶಿಧರ್ ಶೆಟ್ಟಿ ಮೇರ್ ಅರೆನ ಅಪ್ಪೆ ಕಾಶಿ ಶೆಟ್ಟಿ ಮೆರೆನ ಪುದರ್‌ಡ್ ನಿರ್ಮಾಣ ಮಲ್ತ್‌ದೆರ್. 30 ವರ್ಷ ರ್ದ್ ಗುಜರಾತ್‌ಡ್ ಕೇಟರಿಂಗ್ ಉದ್ಯಮಡ್ ಇತ್ತ್‌ದ್ ಊರುಡ್ ಶ್ರೀ ಕ್ಷೇತ್ರ ಧರ್ಮಸ್ಥಳಗ್ ಬರ್ಪಿನ ಭಕ್ತೆರೆಗ್ ಅನುಕೂಲ ಆಪಿಲೆಕ್ಕ ಹೋಟೆಲ್ ಉದ್ಯಮ, ವಸತಿ ಸೌಲಭ್ಯ ಸುರು ಮಲ್ಪುನ ಉದ್ದೇಶಡ್ ಅಪ್ಪೆನ ಪುದರ್‌ಡ್ ಈ ಸಂಸ್ಥೆ ನಿರ್ಮಾಣ ಮಲ್ತ್‌ದ ಪಂದ್ ಆರ್ ಪಂಡೆರ್.

ಓಷನ್ ಪರ್ಲ್ ಸಮೂಹ ಸಂಸ್ಥೆದ ಜಯರಾಮ್ ಬನಾನ್, ಅರೆಸ್ಸೆಸ್ ಮುಖಂಡೆರ್ ಕಲ್ಲಡ್ಕ ಪ್ರಭಾಕರ್ ಭಟ್, ಬಿಜೆಪಿ ರಾಜ್ಯಾಧ್ಯಕ್ಷೆರ್ ನಳಿನ್ ಕುಮಾರ್ ಕಟೀಲ್, ಹರಿಕೃಷ್ಣ ಬಂಟ್ವಾಳ್, ಕುಡ್ಲ ಉತ್ತರ ಶಾಸಕೆರ್ ಭರತ್ ಶೆಟ್ಟಿ ವೈ., ಬಂಟ್ವಾಳ ಶಾಸಕೆರ್ ರಾಜೇಶ್ ನಾಯ್ಕ್, ಮೂಲ್ಕಿ ಬೆದ್ರ ಶಾಸಕೆರ್ ಉಮಾನಾಥ್ ಕೋಟ್ಯಾನ್, ಮಾಜಿ ಸಚಿವೆರ್ ಕೃಷ್ಣ ಪಾಲೇಮಾರ್, ಆಳ್ವಾಸ್ ಪ್ರತಿಷ್ಠಾನದ ಮೋಹನ್ ಆಳ್ವ, ವಿವೇಕ್ ಆಳ್ವ, ಓಷನ್ ಪರ್ಲ್ ಉಪ ನಿರ್ದೇಶಕೆರ್ ಗಿರೀಶ್, ಪಟ್ಲ ಸತೀಶ್ ಶೆಟ್ಟಿ, ಶರತ್ ಕೃಷ್ಣ ಪಡ್ವೆಟ್ನಾಯ ಲೇಸ್‌ಡ್ ಪಾಲ್ ಪಡೆದ್ ಇತ್ತೆರ್.

ಓಷನ್ ಪರ್ಲ್ ವಿಶೇಷತೆ:
3 ಮಾಲಿಗೆದ ಲಕ್ಸುರಿ ಹೋಟೆಲ್ ಉಂದಾದಿತ್ತ್‌ದ್ 34 ಕೋಣೆ ಉಂಡು. ಉಂದೆಟ್ಟ್ 31 ಎಕ್ಸಿಕ್ಯೂಟಿವ್ ಸೂಟ್ ರೂಮ್‌, 2 ಸೂಟ್ ರೂಮ್‌ಲು ಬೊಕ್ಕ 1 ಪ್ರೆಸಿಡೆಂಟ್ ಸೂಟ್ ರೂಮ್ ಉಂಡು. ‘ಪೆಸಿಫಿಕ್’ಡ್ ಸುಮಾರು 200 ಜನಕ್ಲೆಗ್ ಅವಕಾಶ ಕಲ್ಪಿಸಾವುನ ಕಾನ್ಸರೆನ್ಸ್ ಹಾಲ್, ‘ಸಾಗರ ರತ್ನ’ ಬ್ರಾಂಡ್ ದ ಸಸ್ಯಾಹಾರಿ ರೆಸ್ಟೋರೆಂಟ್ 140 ಜನತ್ತ ಕುಲ್ಲುನ ವ್ಯವಸ್ಥೆದ ಸಾಮರ್ಥ್ಯ ಇತ್ತ್‌ದ್, 50 ಜನ ಕುಲ್ಲೊಂದು ತಿನ್ಪುನ “ಕೋರಲ್” ನಾನ್ ವೆಜ್ ರೆಸ್ಟೋರೆಂಟ್ ಲ ಉಂಡು.