ಕಟೀಲ್: ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ನಡಪುನ ಮಾರ್ನೆಮಿದ ಗೌಜಿದ 5 ನೇ ದಿನ ಲಲಿತಾ ಪಂಚೆಮಿದಾನಿ ನಡಪುನ ಕೊಡೆತ್ತೂರು ಗ್ರಾಮದ 58 ನೇ ವರ್ಷದ ಪಿಲಿ ಮೆರವಣಿಗೆದ ಪಿಲಿ ಏಸದಕ್ಲೆಗ್ ” ಪಿಲಿ ನಲಿಕೆ” ಪ್ರತಿಷ್ಠಾನದ ಗುರ್ಕಾರೆರ್, ಕೆಪಿಸಿಸಿ ಪ್ರಧಾನ ಕಾರ್ಯದರ್ಶಿಲು ಮಿಥುನ್ ರೈ ಮೇರ್ ಮೂಜಿ ಪಿಲಿತ್ತ ಮಂಡೆಲೆನ್ ಸೇವಾ ಕಾಣಿಕೆಯಾದ್ ಗುರುವಾರ ಸಂದಾಯೆರ್.
ಪ್ರತಿ ವರ್ಷದಲೆಕನೆ ಉಪವಾಸೊಡು ಇತ್ತ್ ದ್ ಕಟೀಲು ಕ್ಷೇತ್ರೊಗು ಅಭಿಮಾನಿಲೆನ ಒಟ್ಟುಗು ಪಾದಯಾತ್ರೆಡ್ ಬತ್ತಿನ ಮಿಥುನ್ ರೈ , ದೇವಿನ ದರ್ಶನ ಪಡೆದ್ ಪ್ರಸಾದ ಸ್ವೀಕಾರ ಮಲ್ತ್ ದ್ ಕೊಡೆತ್ತೂರು ಗ್ರಾಮದಕ್ಕೆಗ್ ಪಿಲಿತ್ತ ಮಂಡೆಲೆನ್ ಕೊರಿಯೆರ್. ದೇವಸ್ಥಾನದ ಅಸ್ರಣ್ಣೆರ್ ನಕುಲು ಕೊಡೆತ್ತೂರು ದಸರಾ ಸಮಿತಿದ ಸದಸ್ಯೆರ್, ಪ್ರಧಾನ ಕಾರ್ಯದರ್ಶಿಲು ಈ ಪೊರ್ತುಡು ಇತ್ತೆರ್.
Editorial