ಧರ್ಮಸ್ಥಳರ್ದ್ ಕೊಯಮುತ್ತೂರುಗು ಕೆ.ಎಸ್.ಆರ್.ಟಿ.ಸಿ. ವೋಲ್ವೊ ಬಸ್ ಸುರು 

ಉಜಿರೆ: ಕೆ.ಎಸ್.ಆರ್.ಟಿ.ಸಿ. ಮುತಾಲಿಕೆಡ್ ಕೊಯಮುತ್ತೂರು – ಧರ್ಮಸ್ಥಳ ನಡುಟ್ಟು ಮೋಲ್ವೊ ಬಸ್ ಸೇವೆ ಸುರು ಆತ್ಂಡ್. ಪೊಸ ಬಸ್ ಸೇವೆಗ್ ಧರ್ಮಸ್ಥಳ ಧರ್ಮಾಧಿಕಾರಿ ಡಿ.ವೀರೇಂದ್ರ ಹೆಗ್ಗಡೆರ್ ಚಾಲನೆ ಕೊರ್ದು ಎಡ್ಡೆಪ್ಪು ಬಯಕ್ಯೆರ್.

ಪ್ರತಿ ದಿನಲ ಮಧ್ಯಾಹ್ನ 3.30 ಗಂಟೆಗ್ ಕೊಯಂಬತ್ತೂರುರ್ದು ಪಿದಡುನ ವೋಲ್ವೊ ಬಸ್ ರಾತ್ರೆ 9 ಗಂಟೆಗ್ ಮೈಸೂರುಗು ಬರ್ಪುಂಡು. ಮೈಸೂರುರ್ದ್ ರಾತ್ರೆ 10.15 ಗಂಟೆಗ್ ಪಿದಡುನ ಬಸ್ ಕಾಂಡೆ 4 ಗಂಟೆಗ್ ಸುಬ್ರಹ್ಮಣ್ಯಗ್ ಬತ್ತ್ ದ್ ಅಲ್ಪ ರ್ದ್ ಕಾಂಡೆ 5 ಗಂಟೆಗ್ ಧರ್ಮಸ್ಥಳಗ್ ಬರ್ಪುಂಡು ಪಂದ್ ಕೆ.ಎಸ್.ಆರ್.ಟಿ. ಸಿ. ಪ್ರಕಟಣೆಡ್ ತೆರಿಪಾದ್ಂಡ್.