ಗರ್ಭಾಶಯ ಶಸ್ತ್ರಚಿಕಿತ್ಸೆಗ್ ಬತ್ತಿನ ಪೊಂಜೊವುನ ಮೂತ್ರಪಿಂಡನ್ ಕಂಡಿನ ವೈದ್ಯೆರ್

ಪಾಟ್ನಾ: ಶಸ್ತ್ರಚಿಕಿತ್ಸೆಗ್ ಪಂದ್ ಬತ್ತಿನ ರೋಗಿನ ಮೂತ್ರಪಿಂಡನ್ ದೆತ್ತಿನ ಘಟನೆ ಬಿಹಾರದ ಮುಜಾಫರ್ ಪುರಟ್ ನಡತ್ಂಡ್.

ಸೆ.೩ಕ್ಕ್ ಪೊಂಜೊವು ಒರ್ತಿ ಗರ್ಭನ್ ದೆಪ್ಪರೆ ಚಿಕಿತ್ಸೆಗಾದ್ ಕ್ಲಿನಿಕ್ ಗ್ ಬತ್ತಿತ್ತೆರ್. ಅಯಿಬೊಕ್ಕ ಅರೆಗ್ ಮಸ್ತ್ ಬಂಜಿಬೇನೆ ತೊಜೊಂದಿತ್ತ್‌ದ್, ಅಯಿತ್ತ ಚಿಕಿತ್ಸೆಗಾದ್ ಪಂದ್ ಖಾಸಗಿ ಆಸ್ಪತ್ರೆಗ್ ಪೋದಿತ್ತೆರ್. ಅಲ್ಪ ಪರೀಕ್ಷೆಡ್ ಮೂತ್ರಪಿಂಡನ್ ದೆತ್ತ್‌ದಿನವ್ ತೋಜಿದ್ ಬೈದ್ಂಡ್. ಬರಿಯಾಪುರ ಪ್ರದೇಶಡ್ ಕಾನೂನು ಬಾಹಿರವಾದ್ ಕಾರ್ಯನಿರ್ವಹಣೆ ಮಲ್ತೊಂದಿಪ್ಪುನ ನರ್ಸಿಂಗ್ ಹೋಂಡ್ ಈ ಘಟನೆ ನಡತ್ಂಡ್. ಆರೋಪಿಲು ಪದ್ರಾಡ್ ಆತೆರ್. ವೈದ್ಯೆರ್‌ನ ಬಗೆಟ್ ಪ್ರಕರಣ ದಾಖಲ್ ಮಲ್ತಿನ ಪೊಲೀಸೆರ್ ಬೇಗಡೇ ಆರೋಪಿಲೆನ್ ಅರೆಸ್ಟ್ ಮಲ್ಪುವ ಪಂದ್ ಪಂಡೆರ್.