ಚಿಕ್ಕಮಗಳೂರ್ : ಬಸ್ಸ್ ರ್ದ್ ಬೂರ್ದು ಮೆದುಳು ನಿಷ್ಕ್ರಿಯ ಆಯಿನ ಕಡೂರು ತಾಲೂಕ್ ದ ಸೋಮನಹಳ್ಳಿ ತಾಂಡ್ಯದ ಪೊಣ್ಣು ರಕ್ಷಿತಾ, ತಾನ್ ಸೈತ್ಂಡಲ ಸರಿ ಇತ್ತಿನ ಅಂಗೊಲೆನ್ ಬೇತೆಕ್ಲೆಗ್ ದಾನ ಮಲ್ತ್ ದ್ ಜೀವನ ಸಾರ್ಥಕ ಮಲ್ತೊಂಡಲ್. ಅಲೆನ ಅಂಗಾಂಗಲೆನ್ ದಾನ ಮಲ್ಪ್ ರೆ ಒಪ್ಪಿಗೆ ಕೊರ್ಪುನ ಮೂಲಕ ಪೋಷಕೆರ್ ಕೊಡಿ ದುಖದ ನಡುಟ್ಟುಲ ಹೃದಯ ವೈಶಾಲ್ಯತೆ ಮೆರೆತೆರ್.
ಚಿಕ್ಕಮಗಳೂರ್ ದ ಬಸವನಹಳ್ಳಿ ಸರ್ಕಾರಿ ಪಿಯುಸಿ ಕಾಲೇಜ್ ದ ಕಲ್ಪಾರ್ತಿ ರಕ್ಷಿತಾ, ಬಸ್ಸ್ ರ್ದ್ ಬೂರ್ದ್ ಮಸ್ತ್ ಪೆಟ್ಟ್ ಆದ್ ಇತ್ತ್ಂಡ್. ಈ ಘಟನೆ ಬಸ್‌ ಕಂಡಕ್ಟರ್‌ ನ ನಿರ್ಲಕ್ಷ್ಯರ್ದ್ ಆತ್ಂಡ್ ಪನ್ಪುನ ಆರೋಪ ಕೇನ್ದ್ ಬೈದ್ಂಡ್ . ಅಪಗನೆ ಅಲೆನ್ ಜನಕುಲು ಆಸ್ಪತ್ರೆಗ್ ಸೇರ್ಸಾದೆರ್. ಆಂಡ ವೈದ್ಯಕೀಯ ಪರೀಕ್ಷೆರ್ದ್ ಬೊಕ್ಕ ವೈದ್ಯೆರ್ ರಕ್ಷಿತಾನ ಮೆದುಳ್ ನಿಷ್ಕ್ರಿಯ ಆತ್ಂಡ್ ಪಂದ್ ಪೋಷಕೆರೆಗ್ ತೆರಿಪಾದೆರ್.
ಆಲೆನ ಪೋಷಕೆರ್ ಅಯಿನ ಲಕ್ಷ್ಮಿಬಾಯಿ, ಪೊಪ್ಪ ಸುರೇಶ್ ನಾಯಕ್ ಮಗಳೆನ ಅಂಗಾಂಗ ದಾನ ಮಲ್ಪೆರೆ ಒಪ್ಪಿಗೆ ಕೊರ್ತೆರ್.
Editorial