ಕುಡ್ಲ: NIA ದಾಳಿ ಖಂಡಿಸಾದ್ ಕುಡ್ಲಡ್ ಎಸ್ಡಿಪಿಐ ಕಚೇರಿ ಎದುರು ಪ್ರತಿಭಟನೆ ಮಲ್ತೊಂದಿತ್ತಿನ ಪಕ್ಷದ ಕಾರ್ಯಕರ್ತೆರೆನ್ ಪೊಲೀಸೆರ್ ವಶಕ್ಕ್ ದೆತೊಂದೆರ್. ಇನಿ ಪುಲ್ಯಕಾಂಡೆ ಎಸ್ ಡಿಪಿಐ ಜಿಲ್ಲಾ ಕಚೇರಿ ಎದುರು ಎನ್ ಐಎ ದಾಳಿ ಮಲ್ತ್ ದಿತ್ತ್ಂಡ್.
ವಿಷಯ ತೆರಿಲೆಕನೆ ಎಸ್ ಡಿ ಪಿಐ ಅಂಚನೆ ಪಿಎಫ್ಐ ಕಾರ್ಯಕರ್ತೆರ್ ಬತ್ತ್ದ್ ಪ್ರತಿಭಟನೆ ಮಲ್ಪರೆ ಸುರು ಮಲ್ತ್ ದೆರ್. ಆಂಡ 7.30 ದ ಪೊರ್ತುಡು ಪ್ರತಿಭಟನೆ ಮಲ್ತಿನಕ್ಲೆನ್ ಪೊಲೀಸೆರ್ ವಶಕ್ ದೆತೊಂದೆರ್.
ಈ ಬಗೆಟ್ ಪ್ರತಿಕ್ರಿಯೆ ಕೊರಿನ ಕುಡ್ಲ ಪೊಲೀಸ್ ಆಯುಕ್ತೆರ್ ಎನ್. ಶಶಿಕುಮಾರ್, ಪ್ರತಿಭಟನೆ ಮಲ್ತೊಂದಿತ್ತಿನ ಕಾರ್ಯಕರ್ತೆರೆನ್ ಇಲ್ಲಗ್ ಪೋಯರೆ ಪಂದಿತ್ತ. ಆಂಡ ಅಕುಲು ಜಾಗೆ ಬುಡ್ದ್ ಪೋತಿಜೆರ್. ಅಂಚಾದ್ ವಶಕ್ಕ್ ದೆತೊಂದ ಪಂದ್ ಶಶಿಕುಮಾರ್ ತೆರಿಪಾಯೆರ್.
pallavi shetty