ಭಗತ್ ಫ್ರೆಂಡ್ಸ್ ಮಂಜೇಶ್ವರ (ರಿ.) ಮುತಾಲಿಕೆಡ್ 10ನೇ ವರ್ಷದ ಶಾರದಾ ಪಿಲಿ

ಮಂಜೇಶ್ವರದ ಶ್ರೀ ಶಾರದಾ ಮಹೋತ್ಸವ ಸಮಿತಿದ ಮುತಾಲಿಕೆಡ್ 65ನೇ ವರ್ಷದ ಶ್ರೀ ಶಾರದಾ ಮಹೋತ್ಸವ ಅಕ್ಟೋಬರ್ 1 ತಾರೀಕ್ ರ್ದ್ ಅಕ್ಟೋಬರ್ 5 ಮುಟ್ಟ ನಡಪರೆ ಉಂಡು.

ಅ. 5 ತಾರೀಕ್‌ಗ್ ರಾತ್ರೆ 8.30 ಗಂಟೆಗ್ ಶಾರದಾ ದೇವಿನ ಶೋಭಾಯಾತ್ರೆ ನಡಪರೆ ಉಂಡು. ದೇವಿನ ಶೋಭಾಯಾತ್ರೆಡ್ ಭಗತ್ ಫ್ರೆಂಡ್ಸ್ ಮಂಜೇಶ್ವರ (ರಿ.) ಮೊಕುಲೆನ 10ನೇ ವರ್ಷದ ಶಾರದಾ ಹುಲಿ ಪನ್ಪಿನ ಪಿಲಿಕ್ಲೆನ ಟ್ಯಾಬ್ಲೋ ಮೆರವಣಿಗೆಡ್ ನನಾತ್ ಪೊಲಬು ಮಲ್ಪರೆ ಉಲ್ಲೆರ್.

ಮಂಜೇಶ್ವರ ಮಣ್ಣ್‌ಡ್ ದುಂಬು ಪಿಲಿ ಜತ್ತೊಂದಿತ್ತ್ಂಡ್. ಅಪಗ ಅವೆನ್ ಮಂಜೇಶ್ವರದಕುಲೆ ಮಸ್ತ್ ಜನ ಜಪ್ಪುಡಾವೊಂದು ಇತ್ತೆರ್. ಅವೆರ್ದ್ ಬೊಕ್ಕ 2012ಟ್ ಮಾತ ಊರುಡುಲ ಪಿಲಿ ಉಂಡು ನಮ್ಮ ಊರುಡುಲ ಅಂಚನೆ ಬೋಡು ಪಂದ್ ಭಗತ್ ಫ್ರೆಂಡ್ಸ್ ಪಂಡ್‌ದ್ ಸುರು ಮಲ್ತ್‌ದ್ ಮಾತ ಊರುಡು ಜಪ್ಪುನಗ ನಮ್ಮ ಊರುಡುಲ ಪಿಲಿ ಇಪ್ಪಡ್ ಪಂದ್ 2012ಡ್ ಸುರು ಮಲ್ತೆರ್. ಇತ್ತೆ ಉಂದು ವರ್ಷದ ಗೌಜಿಡ್ ಉಂಡು. ಅಂಚಾದ್ ಈ ಸರ್ತಿ ದೇವಿನ ಮೆರವಣಿಗೆಡ್ ಭಾರೀ ಗೌಜಿಡ್ ಪಿಲಿಕುಲು ವಿಶೇಷವಾಯಿನ ಮೆರುಗು ಕೊರಿಯರೆ ಉಲ್ಲೆರ್.