ಇಲ್ಲದ ಬಾಕಿಲ್ ಗ್ ನಾಡೊಂದು ಬರ್ಪಿನ ಪ್ರಶಸ್ತಿಲು ಕೊರ್ಪಿನ ಕುಸಿಯೇ ಬೇತೆ : ಸುಬ್ರಾಯ ಚೊಕ್ಕಾಡಿ

ಮನುಷ್ಯಗ್ ಓಲು ಅವಮಾನ ಆದಿಪ್ಪುಂಡ ಅಲ್ಪನೇ ಗೌರವ ತಿಕ್ಕುಂಡ ಅವು ಆಯನ ಬದ್ ಕ್ ದ ಮಲ್ಲ ಭಾಗ್ಯ . ಸೋತ್ತಿನಲ್ಪನೆ ಗೆಂದರೆ ತೂವೊಡು .ಯಾನ್ ಯಾಪಲಾ ಮಾನಾದಿಗೆದ ಬೆರಿಯೆನೇ ನಾಡೊಂದು ಪೋತಿನಾಯೆ ಅತ್ತ್ . ಇಲ್ಲ ಬಾಕಿಲ್ಗೆ ನಾಡೊಂದು ಬರ್ಪಿನ ಗೌರವೊಲು ಕೊರ್ಪಿನ ಕುಶಿಯೇ ಬೇತೆ . ಐಲೇಸಾ – ದಿ ವಾಯ್ಸ್ ಆಫ್ ಓಷನ್ (ರಿ) ಸಂಸ್ಥೆ ಇನಿ ಅಂಚಿನ ಒಂಜಿ ಪೊರ್ಲುದ ಬೇಲೆ ಮಲ್ದ್ಂಡ್ . ಎನ್ನ ಉಡಲ್ ದಿಂಜಿದ್ ಕಣ ನೀರ್ ಜತ್ತೊಂದುಂಡು .ಉಂದೆಡ್ದ್ ಮಲ್ಲ ಭಾಗ್ಯ ಇಜ್ಜಿ….ಇಂಚ ಪಂಡೆರ್.

ಐಲೇಸಾದ ವಯೋ ಸಮ್ಮಾನ್ ವಿಶೇಷ ಮಾನಾದಿಗೆ ದೆತೊನಿನ ಚೊಕ್ಕಾಡಿದ ಪುಗರ್ತೆದ ಕವಿ ಸುಬ್ರಾಯ ಚೊಕ್ಕಾಡಿ. ಸೆಪ್ಟೆಂಬರ್ 4 ನೇ ತಾರೀಕ್ ಗ್ ಐಲೇಸಾದ ಪದುಕೆರ್ ಕಾಂಡೆ ಏಳ್ ಗಂಟೆಗ್ ಸುಬ್ರಾಯ ಚೊಕ್ಕಾಡಿಯೆರೆನ ಇಲ್ಲಗ್ ಬತ್ತ್ ದ್ ಅರೆನ ಒಟ್ಟುಗು ಕಾಫಿ ತಿಂಡಿ ದೆತೊಂದು ಕಾವ್ಯ ಸಂವಾದ ಮಲ್ತೆರ್ .

ಅರೆಗ್ ಮನಸ್ ಗ್ ಇಷ್ಟ ಆಪಿನ ತಾರೆದ ದೈ , ಕಂಗ್ ದ ದೈ , ಸಾಗುವಾನಿದ ದೈ , ಮಲ್ಲಿಗೆದ ದೈ, ಬಚ್ಚಿರೆ ಬಜ್ಜೆಯಿ ,ಕಾಫಿದ ಪುಡಿ , ಮಣ್ಣ್ ದ ಚಟ್ಟಿ ಇಂಚಿನ ವಿಶೇಷ ಉಡುಗೊರೆಲೆನ್ ಕೊರ್ದು ಅರೆನ ಮನಸ್ ದಿಂಜಿಯೆರ್ .

ಅರೆನ ನೆಂಪುದ ಕೆಲವು ವಿಷಯದ ಅಭಿನಯ ಮಲ್ತ್ ತೋಜಾಯೆರ್. ಪದ ಪಂಡೆರ್ ಇಂಚ ಕವಿ ಸುಬ್ರಾಯೆರೆಗ್ ಚೋದ್ಯ ಆಪಿನ ಕೆಲವು ವಿಚಾರ ಪುಟ್ಟ ಪಾಡ್ದು ಖುಷಿ ಕೊರ್ಯೆರ್ .
ಇಲ್ಲಡ್ ವಂತೆ ಪೊರ್ತು ಇತ್ತ್ ದ್ ಬೊಕ್ಕ ಸುಬ್ರಾಯ ದಂಪತಿಲೆನ ಒಟ್ಟುಗು ಜೀವನ್ ರಾಮ್ ಮೆರೆನ ರಂಗ ಮನೆ ಸುಳ್ಯ ಸಭಾಂಗಣೊಗು ಬತ್ತ್ ದ್ ಅಕ್ಷತಾರಾಜ್ ಪೆರ್ಲ ಮೇರ್ ಬರೆತಿನ ತುಳು ನಾಟಕ ಗಿಡ್ಡಿನ್ ಕಂಬೊಗು ಕಟುದಿನ ಬಲ್ಲ್ ಬುಡ್ಪಿನ ಮೂಲಕ ಬುಡುಗಡೆ ಮಲ್ತೆರ್.
ಹರಟೆ ಪುಗರ್ತೆದ ವಾಗ್ಮಿ Y V ಗುಂಡೂರಾವ್ ಮೇರ್ ಸುಬ್ರಾಯ ಚೊಕ್ಕಾಡಿಗ್ ವಯೋ ಸಮ್ಮಾನ್ ಗೌರವ ಕೊರ್ದು ಸುಬ್ರಾಯ ಚೊಕ್ಕಾಡಿ ಪ್ರಕೃತಿದ ನಡುಟ್ಟು ಸಾರಂದ ದೇವ ಮುನಿ ಲಕ್ಕ ಬದುಕ್ ದ್ ಲೋಕೊಗು ಜ್ಞಾನ ಕೊರಿಯೆರ್ . ಅರೆನ ಕಬಿತೆಲೆನ್ ಕೇಂಡ ಮನಸ್ ಶುದ್ಧ ಆದ್ ಚೊಕ್ಕಾಡಿ ಪನ್ಪಿನ ಪುದರ್ಗ್ ಅನ್ವರ್ಥ ಅರ್ಥ ಕೊರ್ಪ ಪಂಡೆರ್.

ರಂಗ ಮನೆತ ರೂವಾರಿ ಜೀವನ್ ರಾಮ್ ಸುಳ್ಯ ಉಂದು ವಿಶೇಷ ಸನ್ಮಾನ , ಒರಿ ನಮ್ಮ ಇಲ್ಲ ನೆರೆಕರೆತ ಕವಿಕ್ಕ್ ಅರೆನ ಇಲ್ಲಗೆ ಬತ್ತ್ ದ್ ಗೌಜಿ ಗದ್ದಲ ದಾಂತೆ ಅರೆನ ಪ್ರಾಯೊಗು ತಕ್ಕ ಪಣವು 83000 ರೂ. ಕೊರ್ದು ಗೌರವ ಮಲ್ಪುನ ಕ್ರಮ ಎಂಕ್ ಮನಸ್ ಗ್ ಗ್ ಖುಷಿ ಕೊರುಂಡು . ಉಂದು ಐಲೇಸಾ ದಲಕ್ಕಂತಿನ ಮನಸ್ಸ್ ಲೆಗ್ ಮಾತ್ರ ಸಾಧ್ಯ . ಅಂಚಾದ್ ಐಲೇಸಾ ಎಂಕ್ ಬಾರಿ ಕೈತಲ್ ಆವೊಂದುಂಡು ಪಂಡೆರ್.

ನಿಟ್ಟೆ ಯೂನಿವರ್ಸಿಟಿತ ಡಾ. ಸಾಯಿಗೀತಾ ಪಾತೆರ್ದ್ ಐಲೇಸಾ ಬೇತೆ ಬೇತೆ ತುಳು ಬೇಲೆಲೆನ್ ವಿಶೇಷ ರೀತಿಡ್ ಯೋಚನೆ ಮಲ್ ಪುಂಡು. ಅಯ್ಕ್ ತುಳುವೆರೆನ ಬುಡು ಉಡಲ್ದ ಸಾಯ ಬೋಡು ಪಂದ್ ಬಿನ್ನಪು ಮಲ್ತೆರ್. ಎಂ ಆರ್ ಪಿ ಎಲ್ ಮಹಾ ಪ್ರಬಂಧಕಿ ವೀಣಾ ತಾರಾನಾಥ್ ಶೆಟ್ಟಿ ಸಾಮಾನಿ ಪಾತೆರ್ದ್, ಇನಿ ಸುಬ್ರಾಯ ಚೊಕ್ಕಾಡಿ ಮೆರೆನಲೆಕ್ಕಂತಿನ ಕವಿನ್ ಮಾನಾದಿಗೆ ಮಲ್ಪುನ ಎಂಕಲ್ನ ಭಾಗ್ಯ . ಅರೆಗ್ ದೇವೆರ್ ನನಾತ್ ಆಯುರಾರೋಗ್ಯ ಕೊರಡ್ ಪಂದ್ ಪ್ರಾರ್ಥನೆ ಮಲ್ತೆರ್.

ಸುಬ್ರಾಯ ಚೊಕ್ಕಾಡಿಯೆರೆನ ಒಟ್ಟುಡು ನಾಟಕ ಗೊಬ್ಬೊ೦ದಿತ್ತಿನ ಸದಾಶಿವ ಎಂ ಬಿ ಮೇರ್ ಪಾತೆರ್ದ್ ಎಂಕಲ ಒಟ್ಟುಗು ಉಪ್ಪುನ ಚೊಕ್ಕಾಡಿಯೆರೆನ್ ದೂರದ ಊರುದ ಐಲೇಸಾ ಗುರ್ತು ಮಲ್ಪುನ ತೂದು ಎಂಕುಲು ಕಲ್ಪುನ ನನಲಾ ಉಂಡು ಪಂದ್ ಎನ್ನುಂಡು . ಅರೆಗ್ ನನಾತ್ ಊರುದ ಮಾನಾದಿಗೆಲು ನಡಪುಲಕ್ಕ ಆವೊಡು ಪಂಡೆರ್. ಉಂದೇ ಪೊರ್ತುಡು ಮಿಥುನ್ ರಾಜ್ ಪಂತಿನ ಸುಬ್ರಾಯ ಚೊಕ್ಕಾಡಿ ಬರೆತಿನ ಕೆರಳಿಸಬೇಡ ಹೆಣ್ಣೇ ಪದ ಬುಡುಗಡೆ ಆಂಡ್. ಭಾರತ ನಾಟ್ಯ ಕಲಾವಿದೆ ನಮಿತಾ ಅನಂತ್ ನವರಸ ಭಾವ ಅಭಿನಯ ಮಲ್ತ್ ತೋಜಾಯೆರ್ .

ಮಣ್ಣ ಬಾಜನೊನು ಅರೆಬಾಷೆಡ್ ಮನೋಜ್ ಕುಡೆಕಲ್ಲು ಮುಡೆದ್ ತೇಜು ಕೊಲ್ಲಮೊಗ್ರು ಮೇರ್ ಪಂತಿನ ವಿಡಿಯೋ ಆಲ್ಬಮ್ ಈ ಪೊರ್ತುಡು ಸುಬ್ರಾಯ ಚೊಕ್ಕಾಡಿ ಬುಡುಗಡೆ ಮಲ್ತೆರ್ . ಅರೆಭಾಷೆದ ಸಾಹಿತಿ ಚಂದ್ರಾವತಿ ಬಡ್ಡಡ್ಕ ಆ ಪದತ ವಿವರ ಬುಡ್ಪಾದ್ ಪಂದ್ ತೋಜಾಯೆರ್. ಅನಂತ್ ರಾವ್ ಸುಬ್ರಾಯ ಚೊಕ್ಕಾಡಿ ಮೆರೆನ ಜೀವನ ದ ಬಗ್ಗೆ ಬೋಡಾಯಿನಾತ್ ವಿಚಾರ ತೆರಿಪಾದ್ ಕಾರ್ಯಕ್ರಮ ಪೊರ್ಲುಡು ನಡಪಾದ್ ಕೊರಿಯೆರ್.

ಅರೆಭಾಷೆ ಅಕಾಡೆಮಿದ ಅಧ್ಯಕ್ಷೆರ್ ಲಕ್ಷ್ಮೀನಾರಾಯಣ ಕಜೆಗದ್ದೆ , ಜಯಪ್ರಕಾಶ್ ಕುಕ್ಕೇಟಿ , ರಾಷ್ಟ್ರಪುರಸ್ಕಾರ ಪಡೆದಿನ ತುಳು ಸಿನಿಮಾ ಜೀಟಿಗೆದ ಸಂತೋಷ್ ಮಾಡ , ಮುಂಬೈದ ಪೇತ್ರಿ ವಿಶ್ವನಾಥ್ , ಪುಷ್ಪರಾಜ್ ಮಲಾರ್ , ರಾಜು ಮಡಿವಾಳ ಸುಳ್ಯದ ವಿನೋದ್ ಮೂಡುಗದ್ದೆ , ತೇಜು ಕೊಲ್ಲಮೊಗ್ರು ಸೂರಿ ಮಾರ್ನಾಡು , ಕನ್ನಡ ಪ್ರಭದ ಸಂಶುದ್ದೀನ್ , ದಾಸ್ ಮೆಚ್ಚೆಂದ್ರನಾಥ್ , ಗೋಪಾಲ್ ಪಟ್ಟೆ , ವಿವೇಕಾನಂದ ಮಂಡಕರೆ ಮೊಕುಲು ಮಾತಾ ಸಭೆಟ್ಟ್ ಇತ್ತೆರ್ .

ಐಲೇಸಾ ಕೊರಿನ ಐಲೇಸಾ ಗೆಂದಾಳೆ ತಾರಯಿದ ದೈನ್’ ನಡ್ದ್ ಸೂರ್ಯ ಚೊಕ್ಕಾಡಿಯೆರ್ ಐಲೇಸಾ ಲಾ ಕಲ್ಪವೃಕ್ಷದಲಕ್ಕ ಊರುಗು ಎಡ್ದೆನ್ ಪಟ್ಟ್ ದ್ ಪುದರಾವಡ್ ಪಂದ್ ಎಡ್ಡೆಪುದ ಮದಿಪು ಕೊರಿಯೆರ್.

The happiness of winning an unexpected award is immense- Subraya Chokkadi

“When destiny wills that you be honoured at the place that has let you down then that pleasure is immense–” Ilasa the voice of the ocean (R) honoured Subraya Chokkadi at his home which got him emotional whith the preceding words.

The members of Ilasa honoured the senior poet at his home on September 4th. He was presented with gifts that he adored- flower and fruit plants.Folk songs that he lived were sung and a literary discussion was held .Later the Chokkadi couple inaugurated a play written by Akshata Raj Perla at Jeevan Ram Sullia’s Rangamane. He was awarded with a cash prize of 83,000 rupees that commorated his age.

Senior manager of MRPL Veena Taranath Shetty said it was a proud moment to honour a person like Chokkadi and conveyed her warm wishes to him.
Many of his contemporaries spoke about him and his achievements.