ಬೆಂಗ್ಲೂರ್: ಶಿಕ್ಷಕೆರ್‍ನ ದಿನಾಚರಣೆದ ಲೆಕ್ಕೊಡು ನಡತಿನ ರಾಜ್ಯಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ಕೊರ್ಪಿನ ಲೇಸ್ ಬೆಂಗ್ಲೂರ್ ವಿಧಾನಸೌಧದ ಬ್ಯಾಂಕ್ವೆಟ್ ಹಾಲ್‌ಡ್ ನಡತ್ಂಡ್. ತುಳುನಾಡ್ ದ ಮೂಜಿ ಶಿಕ್ಷಕೆರೆಗ್ ಸಿಎಂ ಬಸವರಾಜ್ ಬೊಮ್ಮಾಯಿ ಬೊಕ್ಕ ಶಿಕ್ಷಣ ಸಚಿವೆರ್ ಬಿ. ಸಿ. ನಾಗೇಶ್ ಪ್ರಶಸ್ತಿನ್ ಕೊರಿಯೆರ್.
ಬೊಲ್ತೇರ್ ತಾಲೂಕ್‌ದ ಬಂಗಾಡಿ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆದ ಶಿಕ್ಷಕೆರ್ ಅಮಿತಾನಂದ ಹೆಗ್ಡೆ ಬೊಕ್ಕ ಕಾರ್ಲ ತಾಲೂಕ್ ದ ಕೆರ್ವಾಶೆದ ಮಿಯೂರು ಬಂಗ್ಲೆಗುಡ್ಡೆ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆದ ಮುಖ್ಯ ಶಿಕ್ಷಕೆರ್ ಸಂಜೀವ ದೇವಾಡಿಗ ಮೇರೆಗ್ ಶಾಲಾ ವಿಭಾಗಡ್ ರಾಜ್ಯಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿನ್ ಕೊರಿಯೆರ್. ಬೊಲ್ತೇರ್ ತಾಲೂಕ್ ದ ಕೊಯ್ಯೂರು ಸರ್ಕಾರಿ ಪದವಿ ಪೂರ್ವ ಕಾಲೇಜ್‌ದ ವಿಜ್ಞಾನ ಶಿಕ್ಷಕೆರ್ ಟಿ. ರಾಧಾಕೃಷ್ಣ ಮೇರೆಗ್ ಪ್ರೌಢಶಾಲಾ ಶಿಕ್ಷಕ ಪ್ರಶಸ್ತಿನ್ ಕೊರಿಯೆರ್.
Editorial