ಕುಡ್ಲದ ಶರವು ಶ್ರೀ ಮಹಾಗಣಪತಿ ದೇವಲ್ಯಡ್ ಲೋಕಾರ್ಪಣೆ ಆಂಡ್ ಗಜಮುಖನೆ ಗಣಪತಿಯೇ ಸುಗಿಪು

ಕರಿಯಜ್ಜೆ ಪದ್ಯದ ಮುಖೇನ ಪೊಸತ್ತಾದ್ ಸಂಚಲನೆ ಸೃಷ್ಟಿ ಮಲ್ತಿನ ಡಮರುಗ ಮ್ಯಾಜಿಕಲ್ ಸೌಂಡ್ಸ್ ಕೂಟ ತನ್ನ ಮಸ್ತ್ ಸುಗಿಪುದ ಮುಖೇನ ಜನಕ್ಲೆನ ಮನ ಗೆಂದಾದ್ಂಡ್.

1972ಟ್ ಬುಡುಗಡೆ ಆಯಿನ ದಿ.ವಿಜಯ ನರಸಿಂಹ ಸಾಹಿತ್ಯ, ದಿ. ಎಂ. ರಂಗ ರಾವ್ ಸಂಗೀತ, ಪುಗರ್ತೆದ ಗಾಯಕೆರ್ ಎಸ್ ಜಾನಕಿ ಮೆರೆನ ಸುಗಿಪುದ 43ನೇ ವರ್ಷದ ಪಿರವುದ ಆದಿ ವಂದಿತನ ಪನ್ಪಿನ ಪಿರಾಕ್‌ದ ಗಜಮುಖನೆ ಗಣಪತಿಯೇ ಸುಗಿಪು ಪೊಸ ಶೈಲಿಡ್ ಜಿ. ಎಸ್ ಗುರುಪುರ ಮೆರೆನ ಪರಿಕಲ್ಪನೆದೊಟ್ಟುಗ್ ಸುಭಾಷ್ ಮಿಜಾರ್ ಸಂಗೀತಡ್, ಚೈತ್ರಾ ಕಲ್ಲಡ್ಕ ರಾಗ ಸಂಯೋಜನೆಡ್ ಅಂಚನೆ ಪದ್ಯೊಡ್ ವೀಣಾ ಸದಾಶಿವ ಮಿಜಾರ್ ಅಂಚನೆ ಹೇಮಾ ಸುಭಾಷ್ ಮಿಜಾರ್ ನಿರ್ಮಾಣಡ್ ತಯಾರ್ ಆಯಿನ ಸ್ಪಿರಿಚುವಲ್ ಫ್ಯೂಷನ್ ರಾಕ್ ರೀತಿದ ಪದ ಉಂದಾತ್ಂಡ್.

ಟೀಸರ್ ಮುಖೇನ ಸ್ವರ ಲಕ್ಕಾಯಿನ ಈ ಪದ ಡಮರುಗ ಮ್ಯಾಜಿಕಲ್ ಸೌಂಡ್ಸ್ ಯೂಟ್ಯೂಬ್ ಚಾನೆಲ್‌ಡ್ ಕುಡ್ಲದ ಶರವು ಶ್ರೀ ಮಹಾಗಣಪತಿ ದೇವಲ್ಯಡ್ ಲೋಕಾರ್ಪಣೆ ಮಲ್ತ್‌ದೆರ್.