ದ.ಕ. ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತ ಬಿಲ್ಲವ ಸಮಾಜ ಸೇವಾ ಸಂಘ (ರಿ.) ಮುಲ್ಕಿ ಮುಕ್ಲೇನ ಬ್ರಹ್ಮಶ್ರೀ ನಾರಾಯಣ ಗುರುಕ್ಲೆನ 168ನೇ ಪುಟ್ಟಿನ ದಿನಾಚರಣೆ ಅಂಚನೆ ವಿದ್ಯಾರ್ಥಿ ವೇತನ ಪಟ್ಟುನ ಲೇಸ್ ಸೆಪ್ಟೆಂಬರ್ 9 ಬೊಕ್ಕ 10 ತಾರೀಕ್ಗ್ ನಡಪರೆ ಉಂಡು.
ಸೆ. 9ಗ್ ಕೆನರಾ ಬ್ಯಾಂಕ್ ಮುಲ್ಕಿ ಶಾಖೆದ ಪೆರಿಯ ಪ್ರಬಂಧಕೆರ್ ಆಯಿನ ಮಧುಕುಮಾರ್ ಭಜನಾ ಜ್ಯೋತಿನ್ ಉದಿಪನ ಮಲ್ಪರೆ ಉಲ್ಲೆರ್.
ಸೆ. 10 ತಾರೀಕ್ ಗ್ ನಡಪುನ ಸಭಾ ಕಾರ್ಯಕ್ರಮಡ್ ಮುಲ್ಕಿ-ಬೆದ್ರ ಕ್ಷೇತ್ರದ ಶಾಸಕೆರ್ ಆಯಿನ ಉಮಾನಾಥ್ ಕೋಟ್ಯಾನ್ ವಿದ್ಯಾರ್ಥಿ ವೇತನ ಪಟ್ಟಿಯರೆ ಉಲ್ಲೆರ್. ಲೇಸ್ ಡ್ ಮಲ್ಲ ಬಿನ್ನೆರಾದ್ ಕರ್ನಾಟಕ ಸರಕಾರದ ವಿಧಾನ ಪರಿಷತ್ ವಿಪಕ್ಷ ನಾಯಕೆರ್ ಬಿ. ಕೆ. ಹರಿಪ್ರಸಾದ್, ಮುಲ್ಕಿ ಆಶೋಕ್ ಟೈಲರ್ಸ್ ದ ಮಾಲಕೆರ್ ಶಶಿಧರ್ ಕೋಟ್ಯಾನ್, ಪ್ರಿಯಾ ಹರೀಶ್, ಸುಭಾಶ್ ಶೆಟ್ಟಿ, ಶೇಖರ್ ಶೆಟ್ಟಿ, ವಾಸುದೇವ ಎಂ. ಸಾಲ್ಯಾನ್, ಪಾಲ್ ಪಡೆಯರೆ ಉಲ್ಲೆರ್.
ಮಾಡೆಲಿಂಗ್ ಕ್ಷೇತ್ರದ ಪ್ರತಿಭಾ ಪೂಜಾರಿ ಮೇರೆಗ್ ಮಾನಾದಿಗೆ ಅಂಚನೆ ಪ್ರತಿಭಾನ್ವಿತ ಕಲ್ಪಾರ್ಥಿಲೆಗ್ ಗೌರವಾರ್ಪಣೆ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬರೋಡು ಪಂದ್ ಬಿಲ್ಲವ ಸಮಾಜ ಸೇವಾ ಸಂಘ (ರಿ.) ಅಧ್ಯಕ್ಷೆರ್ ರಮೇಶ್ ಕೆ. ಅಮೀನ್, ಕೊಕ್ಕರಕಲ್ ಗೌರವಾಧ್ಯಕ್ಷೆರ್ ಅಂಚನೆ ಪ್ರಧಾನ ಕಾರ್ಯದರ್ಶಿ ಕಮಲಾಕ್ಷ ಬಡಗುಹಿತ್ಲು, ಕೋಶಾಧಿಕಾರಿ ಪ್ರಕಾಶ್ ಸುವರ್ಣ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty