ಕುಡ್ಲ: ಮಿಸ್ ಯೂನಿವರ್ಸ್ ಪಂತಡ್ ದೇಶನ್ ಗುರ್ತಿಸಾವುನ ಕುಡ್ಲದ ಮಗಲ್ ದಿವಿತಾ ರೈ ಮೇರೆಗ್ ಬಂಟರ ಮಾತೃಸಂಘ ಅಂಚನೆ ಕುಡ್ಲ ರಾಮಕೃಷ್ಣ ಕಲ್ಪಾರ್ಥಿಲೆನ ವಸತಿ ನಿಲಯದ ಅಮೃತೋತ್ಸವ ಸಮಿತಿ ಮುತಾಲಿಕೆಡ್ ಮಾನಾದಿಗೆ ಮಲ್ಪುನ ಲೇಸ್ ಸೆ. 6 ಕ್ಕ್ ಬಯ್ಯ 4 ಗಂಟೆಗ್ ಕುಡ್ಲದ ಗೀತಾ ಶೆಟ್ಟಿ ಮೆಮೋರಿಯಲ್ ಸಭಾಂಗಣಡ್ ನಡಪರೆ ಉಂಡು ಪಂದ್ ಬಂಟರ ಯಾನೆ ನಾಡವರ ಮಾತೃ ಸಂಘದ ಅಧ್ಯಕ್ಷೆರ್ ಅಜಿತ್ ಕುಮಾರ್ ರೈ ಮಾಲಾಡಿ ಪಂಡೆರ್.
ಪತ್ರಿಕಾಗೋಷ್ಠಿಡ್ ಪಾತೆರಿನ ಆರ್, ಲೇಸ್ ನಡಪುನೆಡ್ದ್ ದುಂಬು ಕುಡ್ಲದ ಜ್ಯೋತಿ ಸರ್ಕಲ್ ರ್ದ್ ಬಯ್ಯ 5.30 ಗಂಟೆಗ್ ಮೆರವಣಿಗೆದ ಮುಖೇನ ತುಳುನಾಡ ಸಾಂಪ್ರಾದಾಯಿಕ ಶೈಲಿಡ್ ದಿವಿತಾ ರೈ ಮೆರೆನ್ ಎದ್ಕೊನಿಯರೆ ಉಂಡು. ಮಿಸ್ ಯೂನಿವರ್ಸ್ ಪಂತೊಡ್ ಭಾರತದ ಪ್ರತಿನಿಧಿ ದಿವಿತಾ ರೈ ಮೆರೆಗ್ ಪುಟ್ಟಿನ ಊರುದ ಮಾನಾದಿಗೆ ಕೊರ್ಪುನವ್ ನಮ್ಮ ಧರ್ಮ.ಈ ಸರ್ತಿದ ಪಂತೊಡ್ ದಿವಿತಾ ರೈ ಮೇರ್ ಪೊಣ್ಣ್ ಜೋಕುಲೆನ ಶಿಕ್ಷಣದ ಬಗೆಟ್ ಪಾತೆರುನವ್ ಬಂಟೆರೆಗ್ ಪೆರ್ಮೆ ಕನಪುನ ವಿಷಯ ಆತ್ಂಡ್ ಪಂದ್ ಪಂಡೆರ್.
ಶ್ರೀ ರಾಮಕೃಷ್ಣ ವಿದ್ಯಾರ್ಥಿನಿ ನಿಲಯದ ಅಮೃತೋತ್ಸವ ಸಮಿತಿದ ಅಧ್ಯಕ್ಷೆರ್ ಆಯಿನ ವೀಣಾ ಟಿ.ಶೆಟ್ಟಿ ಪಾತೆರ್ದ್, ಬಂಟರ ಸಂಘ ಬಂಟ ಸಮುದಾಯದ ಪ್ರತಿಭೆಲೆನ್ ಮಾತ್ರ ಅತ್ತಂದೆ ತುಳುನಾಡ್‌ದ ಮಾತ ಸಮುದಾಯದ ಪ್ರತಿಭೆಲೆನ್ ಗುರ್ತಿಸಾದ್ ಅಕುಲೆಗ್ ಮಾನಾದಿಗೆ ಮಲ್ಪುನ ಲೇಸ್ ನಡತ್ತೊಂದ್ ಬೈದ್ಂಡ್. ನನ ದುಂಬುಗುಲ ಈ ಪರಂಪರೆನ್ ನಡಪಾಯರೆ ಉಂಡು ಪಂದ್ ಪಂಡೆರ್.
ಪತ್ರಿಕಾಗೋಷ್ಠಿಡ್ ಶ್ರೀ ರಾಮಕೃಷ್ಣ ವಿದ್ಯಾರ್ಥಿನಿ ನಿಲಯದ ಪ್ರಧಾನ ಕಾರ್ಯದರ್ಶಿ ನಯನಾ ಶೆಟ್ಟಿ, ಸಂಚಾಲಕೆರ್ ಶಾಲಿನಿ ಶೆಟ್ಟಿ, ಕೋಶಾಧಿಕಾರಿ ಸವಿತಾ ಚೌಟ ಇತ್ತೆರ್.
Miss Universe Divitha Rai to be honoured by Bantara Sangha.
Manglore: Mangalore girl Divitha Rai who has been selected for the Miss Universe pagent will be honoured by the Bunts Matru Sangha on September 6th at Geetha Shetty memorial Sabhabawana at Mangalore informed Ajith Kumar Rai president of the Sangha.
Veena Shetty the president of Sri Ramakrishna Students hostel Amrithotsava Samithi sand that the Bunts association have been honouring talents not only from the Bunts community but also all other achievers from Tulunadu.
Editorial