ಮುಲ್ಕಿ: ಒರ್ಂಬ ಮಾಗಣೆದ ಉಲ್ಲಾಲ್ತಿ, ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರಿ ದೇವಿನ ನಡೆಟ್ಟ್ ಅಂಗಾರೆ ಕಾಂಡೆ ಕೊರಲ್ ಪೂಜೆ ಬೊಕ್ಕ ಕೊರಲ್ ಕಟ್ಟುನ ಅಂಚೆನೆ ಕೊರಲ್ ಪಟ್ಡುನ ಲೇಸ್ ನಡತ್ಂಡ್.
ಅರ್ಚಕೆರಾಯಿನ ಶ್ರೀಪತಿ ಉಪಾಧ್ಯಾಯೆರ್ ಅಂಚೆನೆ ನರಸಿಂಹ ಭಟ್ ಮೊಕ್ಲೆನ ಮುತಾಲಿಕೆಡ್ ದೇವಿ ಸನ್ನಿಧಿಡ್ ವಿಶೇಷ ಪ್ರಾರ್ಥನೆ ಮಲ್ತ್ ದ್ ದೇವಸ್ಥಾನದ ಎದುರುದ ಕಂಡೊಡು ಕೊರಲ್ ಗ್ ಪೂಜೆ ಮಲ್ತ್ ದ್ ಅವೆನ್ ಬೊಲ್ಲಿದ ದಂಡಿಗೆಡ್ ದೀದ್ ವಾದ್ಯ ಬ್ಯಾಂಡ್, ನಾದ ಸ್ವರ ವಾದನದೊಟ್ಟುಗು ದೇವಸ್ಥಾನೊಗು ಮೆರವಣಿಗೆಡ್ ಕನತ್ ದ್ ವಿಶೇಷ ಪೂಜೆ ಮಲ್ತೆರ್. ಭಕ್ತೆರೆರ್ದ್ ಹಣ್ಣುಕಾಯಿ ಸೇವೆ ಆಯಿ ಬೊಕ್ಕ ಕೊರಲ್ ಪಟ್ಟುನ ಕಜ್ಜ ನಡತ್ಂಡ್.
ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ, ಅಕೌಂಟೆಂಟ್ ಶಿವಶಂಕರ್, ಕಿಶೋರ್ ಶೆಟ್ಟಿ ಬಪ್ಪನಾಡು, ರಂಗಕರ್ಮಿ ಚಂದ್ರಶೇಖರ ಸುವರ್ಣ, ಮುಲ್ಕಿ ನಾಲ್ಕುಪಟ್ಣ ಮೊಗವೀರ ಸಭಾದ ಅಧ್ಯಕ್ಷೆರ್ ಸುಜಿತ್ ಸಾಲ್ಯಾನ್, ಬಿರುವೆರ್ ಕುಡ್ಲ (ರಿ)ಮುಲ್ಕಿದ ಅಧ್ಯಕ್ಷೆರ್ ಕಿಶೋರ್ ಸಾಲ್ಯಾನ್ ಬಪ್ಪನಾಡು, ಕಾರ್ಯದರ್ಶಿ ಗಿರಿಧರ್ ಅಮೀನ್ ಬೊಕ್ಕ ಭಕ್ತೆರ್ ಎಚ್ಚಿನ ಸಂಖ್ಯೆಡ್ ಪಾಲ್ ಪಡೆದಿತ್ತೆರ್.
pallavi shetty