ತುಳುವೆರ್ ಪಂಡ ಹಿಂದೂಲು ಮಾತ್ರ ಅತ್ತ್ ಬ್ಯಾರಿ, ಪೊರ್ಬು ನಕುಲ್ ಲ ತುಳುತ್ತಕುಲೇ: ಕತ್ತಲ್ ಸಾರ್

ಪುತ್ತೂರ್: ತುಳುವೆರ್ ಪಂಡ ಹಿಂದೂಲು ಮಾತ್ರ ಅತ್ತ್. ಬ್ಯಾರಿ, ಪೊರ್ಬುಲುಲ ತುಳುವೆರೇ ಆತೆರ್ ಪಂದ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷೆರ್ ಆಯಿನ ದಯಾನಂದ ಜಿ. ಕತ್ತಲ್ ಸಾರ್ ಪಂಡೆರ್.

ಮೇರ್ ಪುತ್ತೂರ್ ಸಂತ ಫಿಲೋಮಿನಾ ಕಾಲೇಜ್ ದ “ಫಿಲೋ ಬೊಳ್ಳಿ ತುಳು ಸಂಘ ಬೊಕ್ಕ ಕಾಲೇಜ್ ದ ಮಾನವಿಕ ಸಂಘದ ಮುತಾಲಿಕೆಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಂಚನೆ ಜೈ ತುಲುನಾಡ್(ರಿ.) ಮೊಕುಲೆನ ಒಟ್ಟು ಸೇರಿಗೆಡ್ ಬಲೇ ತುಳು ಲಿಪಿ ಕಲ್ಪುಗ ಲೇಸ್ “ತುಳು ತುಲಿಪು” ಗುರುವಾರ ಕಾಲೇಜ್ ದ ಪಿ.ಜಿ. ಸೆಮಿನಾರ್ ಹಾಲ್ ಡ್ ಉದಿಪನ ಮಲ್ತ್ ದ್ ಪಾತೆರಿಯೆರ್.

ತುಳು ಅಕಾಡೆಮಿ ತನ್ನ 27 ವರ್ಷದ ಸಾದಿಡ್ ತುಳುಕ್ಕಾದ್ ಮಸ್ತ್ ಬೇಲೆನ್ ಮಲ್ತ್ ದ್ಂಡ್. 1500 ವರ್ಷ ಪರಪೋಕು ಇಪ್ಪುನ ತುಳುತ್ತ ಪರಂಪರೆನ್ ತುಳುವೆರ್ ಮದತ್ತಿತ್ತಿನವ್ ಬೇಜಾರ್‌ದ ಸಂಗತಿ ಆತ್ಂಡ್. ತುಳು ಕಾಲಿ ಭಾಷೆ ಅತ್ತ್ ಅವೊಂಜಿ ಜೀವನ, ಸಂಸ್ಕೃತಿ ಆತ್ಂಡ್. ಅವ್ ನಮ್ಮ ಉಸುಲು ಪಂದ್ ಕತ್ತಲ್ಸಾರ್ ಪಂಡೆರ್. ತುಳು ಸಾಹಿತ್ಯ ಅಕಾಡೆಮಿ ಸದಸ್ಯೆರ್ ಡಾ.ಆಕಾಶ್ ರಾಜ್ ಜೈನ್, ಕಾಲೇಜಿದ ಪ್ರಿನ್ಸಿಪಾಲ್ ರೆ.ಡಾ. ಆಂಟನಿ ಪ್ರಕಾಶ್ ಮೊಂತೆರೋ, ತುಳು ಲಿಪಿ ಕಲ್ಪಾದಿಲಾಯಿನ ಜಗದೀಶ್ ಗೌಡ ಕಲ್ಕಳ ಬೊಕ್ಕ ನಿಶ್ಚಿತ್ ರಾಮಕುಂಜ ಲೇಸ್ ಡ್ ಪಾಲ್ ಪಡೆದಿತ್ತೆರ್ .

Tuluvere includes not only Hindus but also the Muslim and Christian of Tulunadu- Kattalsar

Puttur: People of all religions residing in Tulunadu ,be it Hindus, Christian and Muslim are all ” Tuluvere” said Dayanand Kattalsar, president of Tulu Sahitya Academy.

He was speaking at the inauguration of ” Bale Tulu lipi kalpuga” program at St Philomina College, Puttur on Thursday. The Tulu learning program was arranged jointly by Karnataka Tulu Sahitya Academy and Jai Tulunadu.