ಕುಡ್ಲ : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಮುತಾಲಿಕೆಡ್ ತುಳುನಾಡ್ ದ ಬೇತೆಬೇತೆ ಕ್ಷೇತ್ರಡ್ ಸಾಧನೆ ಮಲ್ತಿನಕ್ಲೆನ್ ಚಾವಡಿ ಲೇಸ್ ಡ್ ಮಾನಾದಿಗೆ ಮಲ್ಪುನ ಲೇಸ್ ಆ. 27 ಸನಿಯಾರ ಕಾಂಡೆ 9 ಗಂಟೆಗ್ ಗುಜರಾತ್ ದ್ ದಮಾನ್ನಲ್ಲಿ ಕೋಲಿ ಸಮಾಜ ಸಭಾಂಗಡ್ ನಡಪರೆ ಉಂಡು.
ಗುಜರಾತ್ ವಾಪಿದ ತುಳುನಾಡ ಐಸಿರಿ ಸಂಸ್ಥೆದ ಜಂಟಿ ಸಂಯೋಜನೆಡ್ ನಡಪುನ ಈ ಲೇಸ್ ಡ್ ಸಿರಿಚಾವಡಿ ಪುರಸ್ಕಾರೊನು ಶಶಿಧರ ಶೆಟ್ಟಿ, “ಸಿರಿಚಾವಡಿ ಯುವ ಸಾಧಕ ಪುರಸ್ಕಾರ” ಶ್ರೀ ಅಜಿತ್ ಶೆಟ್ಟಿ ಅಂಕ್ಲೇಶ್ವರ್, “ಸಿರಿಚಾವಡಿ ಬಾಲ ಸಾಧಕಿ ಪುರಸ್ಕಾರ” ಕು. ತ್ರಿಶಾ ಶೆಟ್ಟಿ, “ಸಿರಿಚಾವಡಿ ಮಾಧ್ಯಮ ಪುರಸ್ಕಾರ” ಎಮ್. ಎಸ್. ರಾವ್ ಅಹ್ಮದಾಬಾದ್ ಸಿರಿಚಾವಡಿ ಸಂಘಟನಾ ಪುರಸ್ಕಾರನ್ ತುಳುನಾಡ ಐಸಿರಿ ಚಾರಿಟೇಬಲ್ ಟ್ರಸ್ಟ್ ಮೊಕ್ಲೆಗ್ ಕೊರ್ದು ಮಾನಾದಿಗೆ ಮಲ್ಪುವೆರ್.
ಈ ಪೊರ್ತುಡು “ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್ , ಕರ್ನಾಟಕ ಮಲ್ಲ ದೈನಿಕದ ಸಂಪಾದಕೆರ್ ಚಂದ್ರಶೇಖರ ಪಾಲೆತ್ತಾಡಿ ಮೆತೆಗ್ ವಿಶೇಷ ಮಾನಾದಿಗೆ ನಡಪರೆ ಉಂಡು.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಅಧ್ಯಕ್ಷೆರ್ ದಯಾನಂದ ಜಿ. ಕತ್ತಲ್ಸಾರ್ ‘ಸಿರಿಚಾವಡಿ ಪುರಸ್ಕಾರ ಪಟ್ಟುವೆರ್. ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಸದಸ್ಯೆರ್ ಕಡಂದಲೆ ಸುರೇಶ್ ಭಂಡಾರಿ ಮೇರ್ ಲೇಸ್ ದ ಸದಸ್ಯ ಸಂಚಾಲಕರಾದ್ ಉಲ್ಲೆರ್. ಸದಸ್ಯೆರಾಯಿನ ನರೇಂದ್ರ ಕೆರೆಕಾಡು, ದಿನೇಶ್ ರೈ ಕಡಬ ಬೊಕ್ಕ ಪಿ. ಎಂ ರವಿ ಮಡಿಕೇರಿ ಬಿನ್ನೆರಾದ್ ಪಾಲ್ ಪಡೆವೆರ್.
pallavi shetty