ಸೋನಾಳಿಕೆ: ಚರಂಡಿ ಅಭಿವೃದ್ಧಿ ಕಾಮಗಾರಿಗ್ ಭೂಮಿ ಪೂಜೆ ಮಲ್ತಿನ ಶಾಸಕ ವೇದವ್ಯಾಸ ಕಾಮತ್
ಕುಡ್ಲ : ಕುಡ್ಲ ಮಹಾನಗರ ಪಾಲಿಕೆದ ವ್ಯಾಪ್ತಿದ ಬಜಾಲ್ ವಾರ್ಡ್ ದ ಸೋನಾಳಿಕೆಡ್ ಚರಂಡಿ ಅಭಿವೃದ್ಧಿ ಕಾಮಗಾರಿಗ್ ಶಾಸಕ ವೇದವ್ಯಾಸ ಕಾಮತ್ ಭೂಮಿಪೂಜೆ ಮಲ್ತೆರ್ .
ಈ ಪೊರ್ತುಡು ಪಾತೆರಿನ ಶಾಸಕ ಕಾಮತ್, ಸೋನಾಳಿಕೆ ಜಾಗೆಡ್ ಮಸ್ತ್ ಕಾಲದ ಬೇಡಿಕೆಯಾಯಿನ ಚರಂಡಿ ಅಭಿವೃದ್ಧಿ ಕಾಮಗಾರಿಗ್ ಕಾಸ್ ಬುಡುಗಡೆ ಮಲ್ತಿನ ಇಚಾರದ ಬಗ್ಗೆ ಪಂಡೆರ್.
ಈ ಪೊರ್ತುಡು ಬಿಜೆಪಿ ಮುಖಂಡೆರಾಯಿನ ವಿಜಯ್ ಕುಮಾರ್ ಶೆಟ್ಟಿ, ಚಂದ್ರಶೇಖರ್ ಜಯನಗರ, ಶಿವಾಜಿ ರಾವ್, ವಸಂತ್ ಜೆ ಪೂಜಾರಿ, ವೇಣುಗೋಪಾಲ, ಭರತ್, ನವೀನ್ ಪೂಜಾರಿ,ಆನಂದ್ , ಸಾರ್ವಜನಿಕರು, ಬಿಜೆಪಿ ಕಾರ್ಯಂತೆರ್ ಬೊಕ್ಕ ಪಾಲಿಕೆದ ಅಧಿಕಾರಿಲು ಪಾಲ್ ಪಡೆದಿತ್ತೆರ್.
Editorial