ಧರ್ಮಸ್ಥಳದ ಅಮೃತವರ್ಷಿಣಿ ಚಾವಡಿಡ್ ವಿಶ್ವ ಯೋಗ ದಿನಾಚರಣೆ

ಧರ್ಮಸ್ಥಳದ ಅಮೃತವರ್ಷಿಣಿ ಚಾವಡಿಡ್ ವಿಶ್ವ ಯೋಗ ದಿನಾಚರಣೆ

ಉಜಿರೆ: ಧರ್ಮಸ್ಥಳಡ್ ಅಮೃತವರ್ಷಿಣಿ ಸಭಾ ಭವನಡ್ ಉಂದುವೇ 21 ಕ್ಕ್ ಕಾಂಡೆ ಗಂಟೆ 6.30 ರ್ದ್ 8 ಗಂಟೆ ಮುಟ ವಿಶ್ವ ಯೋಗ ದಿನಾಚರಣೆ ಅಟ್ಟನೆ ಮಲ್ದೆರ್ 12 ಕೇಂದ್ರದ ಶಿಬಿರಾರ್ಥಿಲು ಸೇರಿನಂಚ ಪತ್ತ್ ಸಾರರ್ದ್ ಲಾ ಜಾಸ್ತಿ ಶಿಬಿರಾರ್ಥಿಲು ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಉಜಿರೆದ ಎಸ್.ಡಿ.ಎಂ. ಪ್ರಕೃತಿ ಚಿಕಿತ್ಸಾ ಬೊಕ್ಕ ಯೋಗವಿಜ್ಞಾನ ಕಾಲೇಜ್ ದ ಪ್ರಾಂಶುಪಾಲ ಡಾ.
ಪ್ರಶಾಂತ ಶೆಟ್ಟಿ ಪಂಡೆರ್ .

‘ ಧರ್ಮಸ್ಥಳ, ಉಜಿರೆ, ಬೆಳ್ತಂಗಡಿ, ಉಪ್ಪಿನಂಗಡಿ, ವೇಣೂರು, ನೆಲ್ಯಾಡಿ, ಕಕ್ಕಿಂಜೆ, ಕೊಕ್ಕಡ, ದಿಡುಪೆ, ಮಡಂತ್ಯಾರು, ಇಂದಬೆಟ್ಟು ಬೊಕ್ಕ ಗುರುವಾಯನಕೆರೆಡ್ ದಿನಾಲ ಕಾಂಡೆ 6.30 ಗಂಟೆರ್ದ್ 7.30 ಮುಟ ದರ್ಮಾರ್ಥ ಯೋಗ ತರಬೇತಿ ಕೊರೊಂದು ಉಲ್ಲೆರ್ ಪಂದ್ಎಂದು
ಮಾಹಿತಿ ಕೊರ್ತೆರ್ .

ಧರ್ಮಸ್ಥಳದ ಧರ್ಮಾಧಿಕಾರಿ ಡಿ. ವೀರೇಂದ್ರ ಹೆಗ್ಗಡೆರ್ನ ಮಾರ್ಗದರ್ಶನ ಬೊಕ್ಕ ಮುತಾಲಿಕೆಡ್ 1989 ಟ್ಟ್ ಶಾಂತಿವನ ಟ್ಟಸ್ಟ್ ಆಶ್ರಯಡ್ ಶಾಲೆಡ್ ಯೋಗ ಬೊಕ್ಕ ನೈತಿಕ ಶಿಕ್ಷಣ ಯೋಜನೆ ಸುರು ಮಲ್ತೆರ್ , ರಾಜ್ಯದ 12 ಜಿಲ್ಲೆಡ್ ಐನ್ ಲಕ್ಷರ್ದ್ ಜಾಸ್ತಿ ಜೋಕ್ಲೆಗ್ ಯೋಗ ತರಬೇತಿ ಕೊರಿಯೆರೆ ಉಲ್ಲೆರ್.