ಮಣಿಪಾಲ: – ನಮ್ಮ ಜೀವೋದ ಬೊಕ್ಕ ಮನಸ್ ದ ಸ್ವಾಸ್ಯ ಎಡ್ಡೆ ಇತ್ತ್oಡ ಮಾತ್ರ ಸದ್ರಡ ಜೀವನ ಸಾಗಾಯೆರೆ ಸಾಧ್ಯ ಈ ನೆಲೆಟ್ಟ್ ಸೈಕ್ಲಿಂಗ್ ದಂಚಿನ ಚಟುವಟಿಕೆ ಅಗತ್ಯ ಪಂದ್ ಶ್ರೀ ಪೇಜಾವರ ಮಠದ ಶ್ರೀ ವಿಶ್ವಪ್ರಸನ್ನ ತೀರ್ಥ ಶ್ರೀಪಾದೆರ್ ಆಶೀರ್ವಚನ ಕೊರಿಯೆರ್ .
ಮೇರ್ ಕೋಡೆ ವೈದ್ಯಕೀಯ ಪ್ರಕೋಷ್ಠ ಒಡಿಪು ಕೆನರಾ ಬ್ಯಾಂಕ್ ವೃತ್ತ ಕಚೇರಿ ಬೊಕ್ಕ ವಸಂತಿ ಎ ಪೈ ಪ್ರತಿಷ್ಟಾನ ಮಣಿಪಾಲ ಮೆಕ್ಲೆನ ಒಟ್ಟು ಸೇರಿಗೆಡ್ ನಡತಿನ “ಆರೋಗ್ಯಗಾದ್ ಸೈಕ್ಲಿಂಗ್ “ಜಾಥಾನ್ ಸ್ವತಃ ಸೈಕಲ್ ಸವಾರಿ ಬೊಕ್ಕ ಪಚ್ಚೆ ನಿಶಾನೆ ತೋಜಾದ್ ಉದಿಪನ ಮಲ್ತೆರ್ .
ಮಣಿಪಾಲರ್ದ್ ಮಲ್ಪೆ ಸೀ ವಾಕ್ ಮುಟ ನಡತಿನ ಈ ಜಾಥಾಡ್ ಮಸ್ತ್ ಜನ ಪಾಲ್ ಪಡೆದಿತ್ತೆರ್ . ಮಲ್ಪೆ ಬೀಚ್ ಡ್ ಆರೋಗ್ಯ ಬೊಕ್ಕ ಫಿಟ್ ಇಂಡಿಯಾ ಬಗ್ಗೆ ಕ್ವಿಝ್ ನಡತುಂಡು . ಈ ಪೊರ್ತುಡು ಜಿಲ್ಲಾ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಅಧಿಕಾರಿ ಡಾ|| ನಾಗಭೂಷಣ್ ಉಡುಪ, ಕೆನರಾ ಬ್ಯಾಂಕ್ ಡಿಜಿಎಂ ಪದ್ಮಾವತಿ, ವೈದ್ಯಕೀಯ ಪ್ರಕೋಷ್ಟ ಸಂಚಾಲಕ ಡಾ|| ರಾಮಚಂದ್ರ ಕಾಮತ್, ಸಹ ಸಂಚಾಲಕ ಡಾ|| ವಿದ್ಯಾಧರ ಶೆಟ್ಟಿ, ರಾಜ್ಯ ಕಾ.ಸದಸ್ಯ ಡಾ|| ವಿಜಯಿಂದ್ರ ವಸಂತ್, ಸೆಲ್ಕ್ ಸೋಲಾರ್ ಡಿಜಿಎಂ ಜಗದೀಶ್ ಪೈ, ಡಾ|| ರವೀಂದ್ರ ಕುಂದಾಪುರ, ವಿಶಾಲ್ ಸಿಂಗ್ ಪಾಲ್ ಪಡೆದಿತ್ತೆರ್
Editorial