ದೇವೆರೆ ಪಾದೊ ಸೇರ್ಯೆರ್ ಪೆರಿಯ ನಟ ಕಲಾತಪಸ್ವಿ ರಾಜೇಶ್

ಕರ್ನಾಟಕ : ಕನ್ನಡ ಚಿತ್ರರಂಗದ ಪೆರಿಯ ನಟ ‘ಕಲಾತಪಸ್ವಿ’ ರಾಜೇಶ್ ತೀರ್ ಪೋತೆರ್ .ಹುಷಾರ್ ದಾಂತೆ ಇತ್ತಿನ ಮೇರ್ ಬೆಂಗ್ಳೂರುದ ಆಸ್ಪತ್ರೆಡ್ ಮರ್ದ್ ಪಡೆಯೊಂದು ಇತ್ತೆರ್ . ಮರ್ದ್ ಫಲಕಾರಿಯಾವಂದೆ ಕಾಂಡೆ 2.30ತ ಪೊರ್ತುಗು ತೀರ್ ಪೋತೆರ್.

ರಾಜೇಶ್ ಮೆರೆಗ್ 89 ವರ್ಷ ಪ್ರಾಯ ಆದ್ ಇತ್ತ್oಡ್ . ಕಿಡ್ನಿ ವೈಫಲ್ಯ ಬೊಕ್ಕ ವಯೋಸಹಜ ಸೀಕ್ ರ್ದ್ ಇತ್ತಿನ ರಾಜೇಶ್ ಮೆರೆಗ್ ಬೆಂಗ್ಳೂರುದ ಕಸ್ತೂರಬಾ ಆಸ್ಪತ್ರೆಡ್ ಮರ್ದ್ ಪಡೆಯೊಂದು ಉಲ್ಲೆರ್ .

ನಟ ರಾಜೇಶ್ ಬೆಂಗ್ಳೂರುಡೆ ಪುಟ್ಟಿನಾರ್ . ಮೆರ್ನ ನಿಜನಾಮ ಮುನಿ ಚೌಡಪ್ಪ. ಕಿನ್ಯ ಪ್ರಯೋಡೆ ನಟನೆಡ್ ಆಸಕ್ತಿ ಬುಲೆಪಾಯಿನ ಮುನಿ ಚೌಡಪ್ಪ ರಂಗಭೂಮಿ ಪ್ರವೇಶ ಮಲ್ತೆರ್ . ಇಲ್ಲದಕ್ಲೆಗ್ ಗೊತ್ತಿಜ್ಜಂದೆ ‘ಸುದರ್ಶನ ನಾಟಕ ಮಂಡಳಿ’ ಸೇರಿದನ ಮುನಿ ಚೌಡಪ್ಪ ರಂಗಭೂಮಿಡ್ ‘ವಿದ್ಯಾಸಾಗರ್’ ಪುದರ್ ಡ್ ಗುರ್ತಿಸಾಯಿನಾರ್.